【住宿】大阪PG黑門公寓 PG Kuromon Apartment－「立」即去旅行 Lap's Travel

1462759618-3593639175_n

次次來日本都是以住酒店為主，今次住的這間大阪PG黑門公寓 PG Kuromon Apartment有點似係住民宿，但又唔完全屬於民宿，基本上成棟大廈每個單位也是租借予人作住宿，所以佢會有其中一個單位作Reception。由在網上預訂左之後，佢就會send一些入住資料過來，包括聯絡人資料、門口密碼位怎樣打上Reception等，和民宿不一樣，就是沒有了屋主。先講地理位置，佢係超近黑門市場，轉個彎就會見到，過去道頓堀和心齋橋就行15分鐘左右，而從日本橋站10號出口行過去，也只需要8-10分鐘左右，經過停車場轉入去就會見到個門口，地理上算是旺中帶靜。

1462762576-2804882634_n

1462761048-1016681988_n

有一點比較麻煩的是，佢個Reception只會開10:00到19:00，如果早左來的話是冇人接待你，所以不會入到座大樓，換言之是不可能提早放行李於此的，要過左10點才可以入到去。另外，如果想把行李寄存一晚的話是可以的，等Reception開了後就可以，但同時亦要額外收取1000日圓的寄存費用，不過我兩件行李也只是總共收了1000日圓，除開每件也只是500日圓，所以我覺得還可以的～一開始是要在密碼鎖打上去Reception ，然後佢會放你上去，但如果俾咗鎖匙你之後，就可以自己從密碼鎖下面的鎖匙窿開門入去。如果遲過19:00先check-in，記得先email通知佢地，佢地會有方法教點樣做。

1462762653-1793655227_n

佢Reception在12樓，一出lift門就係，做好簡單的登記之後就可以去自己個單位，而我今次住既係10樓既單位，望出去的景觀是住宅區來。入到去單位，這次是真真正正住進日本人家居的那種感覺，面積比起一般酒店大，在走廊位置有個微型廚房，有雪櫃、微波爐，有興趣煮食的人可以試下，屋內亦有洗衣機、衣櫃什至雨傘提供。

走廊旁另一邊是廁所和浴室，兩者是分開的，浴室亦有簡單沖涼液和洗頭水提供，而且更安裝了那種調節浴室的裝置，濕了也很快乾。而毛巾和刷牙用品亦有提供的，如果不夠的話可以向Reception拎，因為基本上住到走那天都不會有人執房的。

來到睡覺的位置，就是兩張平排單人床，床腳位置是電視，但這裡的電插嚴重地不足，只可以在電視櫃後近地下位先有，另一電插位係左邊白色床床頭下面，但那裡空間很窄很不方便；還有一電插位在廚房洗手盆下面，對於遊客來講，電子設備一定不會少的，這麼少電插還要全部也咁不方便用，這一點要大大扣分。除此以外，這裡係冇free wifi的，如果要wifi是要額外畀錢租佢個wifi蛋來用，又係另一樣扣分位。

不過，這個單位在床頭再出，竟然有陽台，晚上涼涼地坐係到飲杯野食下宵夜，都幾寫意嫁。總括來說，雖然設備上和配套上就一定不夠酒店咁供應充足，但變相空間就大一點，亦的多了一些廚房設備，多了一些平實感，真正住進日式單位內，同時出入亦少了見酒店職員，多了一點私隱感覺，價錢又不是十分貴，所以也可以自己衡量優缺點，考慮住一下這種住宿單位也不錯的。