【遊記】Day 1「東京」紀念秋遊之旅 - 2016－「立」即去旅行 Lap's Travel

第1天（星期日，16/10）

行程：香港》成田機場》池袋方舟酒店

下午四、五點的時候飛機就降落到成田機場的第三航廈，接近黃昏時間搞掂哂所有入境手續就正式開始今次8日7夜之旅。話說今次坐的是Jetstar，整段航程也唔太好坐，坐過三間廉航公司，個人來說快運>桃航>捷星。另外，這個第三航廈因爲成本關係，比較起另外兩座是較簡陋的，但餐廳、賣手信的地方都有，而且它的設計很有趣，就像運動場跑道一樣，不過就令推行李不太順暢。此外，要出巿區的話，大部交通設施是要過第二航廈（包括所有鐵道火車），過去可以搭Shuttle Bus（約3至5分鐘）或行過去（約15至20分鐘），指示好清晰，唔怕搵唔到。

跟住就去了買單程skyliner連72hours任搭metro票出東京市區了，首先是要到日暮里轉車，然後轉JR到池袋。到了池袋第一樣野唔係先去酒店放低行李，而係拎住行李去醫肚，因為已經十幾個鐘冇食野，所以去左位於西武百貨的回し壽司活美登利（按名看食評）。間餐廳是有位置放低行李的，所以也吃得很安心。

醫飽肚之後，就出發去呢幾晚住既東京池袋方舟酒店Ark Hotel Tokyo Ikebukuro (按名評價)Check-in。安置好行李後，見還有點時間，就去附近行下探下路，包括去左機舖打左局Pokémon 鐵拳以及去左24小時營業的西武超市買左杯哈根達斯期間限定口味，這間超市買野比起出面便利店平得多，往後幾日我也有Keep住來買下野。行到咁上下就返酒店休息，養足精神等第二日去川越。