「立」即去旅行 Lap's Travel

去歐洲好多人都會買名牌，但東歐並沒有西歐那些國家那麼富裕，所以可以有好多特產可以選購。雖然來到這些冷門點的國家，不像日本手信咁五花八門又賣相精緻，但戰鬥力高強的我依然可以買到滿載而歸，重點係各類手信價位唔係好高，買幾多都唔會心痛，所以一於出力買買買呀！首先從布拉格買既手信講起，下圖左上角一盒黃一盒啡既，兩者均購自當地超級市場，啡色係朱古力味溫泉餅，口感脆脆但又好薄好大塊，有點像某種香港都買到的日式餅乾，但這款就甜好多，買來做手信分畀人食都幾好既；黃色個盒就係傳統捷克甜品，蜂蜜千層蛋糕，味道係檸檬味，口感唔似在布拉格食既咁乾，同時亦幾軟身，比想像既好食有驚喜，食過既人都係同一個feedback話有點似嘉頓某款蛋糕卷既味，而且個蛋糕好大個加上好甜，可以買來做手信分畀好多人。然後是右下中間少少既係水晶指甲剉，因為捷克最出名係水晶，購自哈維爾市場，而且價錢很相宜，買畀親朋戚友既好選擇，在匈牙利布達佩斯的中央市場都有得買，不過花紋就唔同。再來就是右下角在布達佩斯買的，是最出名的琥珀飾物，耳環是國會大廈門口處手信部買，而手鏈是中央市場買；隔離位的是水晶座、像浴缸那個是裝番梘、一包一條條既辣椒和充滿匈牙利特色的扣章，全部也是來自中央市場的。中間下面三盒黑色既係朱古力，都係購自中央市場，見到上面貼住拎獎就買左幾盒試下，結果得一盒上面有紅莓的白朱古力係好食、綠色係上面嗰盒係糖漬薄荷葉朱古力，味道好奇怪、有盒有啲nuts係上面既超級苦，而且堆nuts好難食，唔建議買。另外仲有左上角兩盒野前既有個圓型皮革散銀包和藍色彩蛋裝飾。至於瑞士既手信，唔使問就一定係朱古力，不過就唔係瑞士蓮同三角朱古力，而係中間一盒同一包散左叫既，價錢唔平但係超級好食，兩者都係琉森買，盒裝一粒粒既每一粒都唔同味既松露朱古力，有些有酒味又入口即溶，朱古力味很有層次；而散裝叫既係開心果朱古力和玫瑰花紅莓白朱古力，開心果很多，每一口都食到開心果口感好豐富，又同朱古力好夾；玫瑰花那個白朱古力甜得來又有紅莓的酸中和返，而且每次食完係有after taste，玫瑰花味會滲返出來好特別嫁。間店係可以試食的，試左先買又可以揀要幾大塊，真係要買來試下。

第8天 + 第9天（星期六 + 日，21/1 + 22/1）

行程：瑞士：蘇黎世 》琉森 》蘇黎世 》蘇黎世機場 》香港

第7天（星期五，20/1）

行程：佩斯1日遊 》布達佩斯中央車站 》瑞士蘇黎世

布達佩斯去瑞士火車：瑞士聯邦鐵路 http://www.sbb.ch/en/home.html（有英文，買票後還要叫Email對方DHL來港，只限DHL，貴到喊出黎，不過依然平過香港買）

第6天（星期四，19/1）

行程：布達佩斯近郊：聖安德烈鎮半日遊 》佩斯 》酒店

第5天（星期三，18/1）

行程：布達半日遊 》佩斯半日遊 》酒店

第4天（星期二，17/1）

行程：布達佩斯 》兌錢 》酒店放行李 》佩斯1日遊 》酒店

第3天（星期一，16/1）

行程：布拉格舊城區1日遊 》布拉格中央車站 》布達佩斯

布拉格去布達佩斯火車：捷克鐵路 https://www.cd.cz/default.htm （有英文，買票後列印出黎就可用）

之前介紹過在上面的網址購買過夜列車的車票，列車的編號為EN477就是布拉格去布達佩斯的列車，在網上購票後，只需要直接列印出來就可以，像下圖一樣。下圖中間寫著Praha就是起點，Budapest就是目的地，而地點上面就是日期，然後右邊中間是價錢（雖然明明2張車票買的東西是一樣，但不知為何一張價錢是貴點；左邊就寫了列車編號EN477；再下面較花的是所買的東西，會有2項是因為一項是指登車車票、一項是瞓覺的床位，一定要2者一起買，右邊是人名。

第2天（星期日，15/1）

行程：布拉格城堡區1日遊 》中央區 》酒店

第2天（星期日，15/1）

行程：布拉格城堡區1日遊 》中央區 》酒店

第1天（星期六，14/1）

行程：香港 》維也納機場 》布拉格機場 》兌錢 》酒店 》晚餐

在布拉格或布達佩斯，雖然在部份遊客區係可以直接用歐元付款，但匯率卻非常差，所以去到當地還是用歐元兌當地貨幣才是最化算的做法。布拉格所用的貨幣為CZK克朗，而布達佩斯則是HUF福林。

受惠於奧地利航空係香港新開航所推出的優惠，竟然可以連稅震撼價$2630就飛到去歐洲！往後都冇再見過咁平了～價錢實在太吸引。好多人去歐洲都係去西歐北歐較多，而我當時只係知道東歐相對西歐的物價低，所以當時即使對於捷克完全不熟悉（只係知道蔡依琳首歌係布拉格廣場，哈哈），亦冇理到天氣，都依然草率地決定了在1月出發去布拉格，作為行程的起點。中途站係位於匈牙利的布達佩斯，而終點係瑞士。事實上東歐呢2個國家係幾窮甚至有點落後，但睇到既光景卻有另一番味道。瑞士看起來完全不順路，無端端會在東歐過去的原因，就係因為機票售票時硬性規定左一定要係瑞士回港（冇係瑞士過夜，因為消費太貴），去程只需要係維也納轉機，轉機時間雖然好少，但因為維也納機場出名轉機時間短，所以都好輕易地轉到。