【交通】從布達佩斯往蘇黎世之過夜列車 2017－「立」即去旅行 Lap's Travel

布達佩斯去瑞士火車：瑞士聯邦鐵路 http://www.sbb.ch/en/home.html（有英文，買票後還要叫Email對方DHL來港，只限DHL，貴到喊出黎，不過依然平過香港買）

從布達佩斯搭過去瑞士的蘇黎世雖然是比較少人會這樣子搭過去，因為距離都幾遠，很多時候遊客的話都是東歐一帶玩，不會特登過中部，所以上網做資料搜集時也下了一輪苦工，從布達佩斯過去可以搭飛機、巴士和火車，飛機略微貴了點，上落拎飛李又費時、巴士空間細，瞓覺時間腿又不能伸直，所以最後選了搭火車，價錢相宜又好像比較冇咁辛苦。從網上選EN477就是所需要搭的列車了，選了4人包廂，以為會好像上一程布拉格過布達佩斯咁，冇人就可以兩個人包廂，結果這樣諗是錯的，一陣下面再講。

去到Keleti Palyqudvar站，下一層是有Locker位放行李的，不過因為唔想搬上搬落，所以其實係information centre旁有個位係可以有大型locker的，放29吋行李也沒有問題，但記得要自己預備定硬幣，因為這邊冇兌換機，要兌就要附近買下野飲兌散。另外，因為張車票一早已經DHL空運到手，所以亦唔使再另外兌返。

其實成個車站都好破舊，而站外附近環境不知為何比起布達佩斯其他地方惡劣很多，四處也是狗屎很臭，所以我也乖乖在站內候車，望住個電子板睇下邊個月台上車。好快就有車來了，因為今次比較早上車（20:40），但一見到就覺得和網上見到很有出入，這架舊好多，不像是瑞士鐵路管理的，像是合辦列車。

上這班車的人非常之少，一個車廂像下圖般咁細瞓6個人，真的很難想像，而剛好隔離包廂真的瞓6個人，但好彩佢地冇咩大型行李，像我和朋友一人一個行李，房內走廊通道一下子爆滿。好景不常，正當以為隔壁還有大量吉的包廂應該冇人來，殊不知兩個韓國少女出現，更附上兩件大型行李，個包廂完全冇位再放，之後就唯有同車長傾下，可唔可以開一些吉的包廂只放行李等，結果是開天殺價收多2xxx港元先可以，當然不肯就範，結果佢開返中間張床，變返6人瞓的格局來放行李，咁點解要畀貴點買4人包廂。