【美食】布拉格 Puro Gelato 雪糕店：東歐尋找好食Gelato？！－「立」即去旅行 Lap's Travel

意大利出名食Gelato就係人都知啦，但今次係布拉格竟然都搵到一間Gelato店而且價格非常之便宜，一杯兩種口味為港幣只係1x元，味道和口感還要非常唔錯，而呢間Gelato店既名就係叫Puro Gelato。事緣係因為要去舊城廣場附近的兌換店兌錢而經過見到的，雖然時值冬天，但難得見到有Gelato，心想在歐洲點都要食一次，就唔理自己凍到打冷震衝左入去，咁當然入到去裏面係有暖氣啦。

這裡除左Gelato之外，其實也有售賣咖啡、蛋糕或是三文治之類的食物，像cafe一樣，所以冬天也不愁冇生意。店舖的裝修風格和氣氛環境溫馨而帶有暖意，給人一種休閑和家的感覺。

Gelato方面有10多種口味，有些是偏向水果口味的、有些是偏向creamy的、有種是傳統捷克啤酒所造成的，總有一種啱口味，可以選擇杯裝或是筒裝，而且可以試好味先揀食邊一款，基本上是和香港一樣的。

而最後我分別揀咗榛子和雲尼拿口味；另一杯則是榛子和椰子口味。先講榛子口味，味道超濃郁而且口感很軟滑，每一啖也入口即溶但同時很實在，吃得出有真材實料；至於雲尼拿味，更會見到一粒粒微微雲尼拿籽係入面，超級之香，鍾意雲尼拿既一定會愛上；而椰子口味每一啖就似食緊椰子蓉，充滿椰奶香。無論冬天還是夏天，我覺得來到布拉格的話，真係可以不分季節黎食返杯Gelato，反正也只是十多元港幣，喺香港絕對搵唔到呀！