「立」即去旅行 Lap's Travel

第7天（星期五，20/1）

行程：佩斯1日遊 》布達佩斯中央車站 》瑞士蘇黎世

來到最尾一天留在布達佩斯的行程，一早已經執好了行李check out，不過個行李就先放在reception寄存，等傍晚時份才會來拎。然後就先在酒店旁一間coffee shop到早餐食少少野，基本上佢只係類似starbucks咁，飲野食野味道也是沒有很突出，感覺也很starbucks，所以就唔特別介紹了。然後就搭車去國會大廈（按名介紹）參觀，但買完飛後時間還起碼有個半小時，所以就決定搭2號地面電車去中央市場Central Market Hall食多少少野先再返黎。

食完再返黎還有點時間，就看看門口處的紀念品店，又買了些東西走。然後就開始參觀，大約需要45分鐘先行完。行完後，因為昨晚執行李發覺手信不太足夠，所以結果係又要回中央市場 Central Marktet Hall（按名介紹）補給，成個旅程來左足足三次，真係好誇張。

買完出到來就要返酒店先拎行李，因為要將些手信執返入行李，而且拖住行李行，在布達佩斯這種不算遊客配套設施很充足的地方，是需要用多一倍時間，尤其是上上落落地鐵，就係訓練臂力的時候，結果用了好多時間先去到Keleti palyaudvar站，既係第一日來到布達佩斯的車站，亦係今晚搭火車去瑞士的車站，感覺上比起布拉格個車站舊和落後。之後就搵locker寄存行李（記得要預備多點硬幣，四圍很難找地方兌硬幣），再行去原定晚餐的地方。

越行過去發覺地方真的好偏僻，四處又冇人又黑，離車站又有點遠，擔心食完如果還要行返去會趕唔切和認唔到路，看過menu後發現唔太啱食，所以最後唯有send email畀餐廳取消booking，再用google map搵到附近一間超市就補給一下。然後再google map行下，發現好近之前間食過兩次的Menza（按名食評）餐廳，所以最後又一次幫襯了！食完再搭地鐵回去Keleti palyaudvar站也好方便。

返到車站再等了一下就已經準備可以上車去瑞士了，不過比較起之前由布拉格過來，這架服務和環境差很多，而且仲貴點，所以比較失望，詳情請看返【交通】從布達佩斯往蘇黎世之過夜列車，成段路程足足要12-3個鐘頭，坐到人都呆哂咁向瑞士出發！

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel