【美食＋玩樂】布達佩斯中央市場 Central Market Hall：體會當地人生活－「立」即去旅行 Lap's Travel

我覺得來到布達佩斯的話，有一個地方不能不去的，這個地方就是位於佩斯區的中央市場Central Market Hall了。它是市區最大、歷史也最悠久的室內市場，曾一度因戰火摧殘停業，如今則是當地居民不可或缺的採購去處。佢建築外觀以新哥德式為主，外牆上則係一片片匈牙利特色磁磚。如果搭地鐵來的話，就在綠色線的Fovam ter站落，整個車站在布達佩斯來說係比較現代化和整潔，出站後，一邊是多瑙河，而旁邊就是中央市場，值得注意的是，中央市場週日並無營業。

走進市場，寬敞的廊道與挑高的天花板，讓人彷彿置身於舊式火車站一樣。中央市場有三層樓，一樓亦即係一入去嗰層，主要銷售肉品、蔬果、甜點與匈牙利名產；二樓係熟食、紀念品；地下一樓則是連鎖超市，規劃很完善而且環境好乾淨。對旅客來說，新鮮並非主要來的目標，在這裡主要是買紅椒粉、甜腐酒和鵝肝醬等特產，之後可以到二樓食下野並挑選匈牙利聞名的手工藝紀念品。

以辣椒出名的國家，果然連辣椒也有很多種類，有些甚至乎見都未見過。當然來這裡其中一個目標並唔係那些新鮮辣椒，而係各類型的辣椒副產品，我特別推薦有兩母女的一檔，佢有兩個檔口但不是相連的，個女係紅髮個媽是肥肥地的，佢地所賣的產品是成條巷最平，而且仲好好人，又會肯講解又可以試食，買得多仲肯計平再送下紀念品，超級親切的兩母女，我辣椒粉、辣椒醬、蜜糖、黑松露、鵝肝醬和魚子醬都係幫襯佢地的（真的格價哂咁濟）！

如果買甜腐酒的話，可以先上2樓有一檔食店可以買一杯仔試下，因為佢有甜度之分，數字越大就味道越甜，價錢也越貴，雖然這樣買一杯差不多買到成支，但起碼試下咩叫甜腐酒再睇下啱不啱自己才去買成支，但我可以講佢係超易入口，甜到好似蜜糖咁的酒，所以我最後也買了幾支，要買就去一間角落頭像雜貨店的酒舖買，又係全場最平！

其實我一共來了三次中央市場，可能亞洲人的面孔比較少見，行到某些檔的老闆也認得我，就像上面介紹的兩母女。第一次來比較晏，所以很多手工藝品店也冇開，之後來又食下野買下手信咁，每次也逛了兩小時以上很誇張。

食野方面，就食左2樓走廊位的第一間食店，叫做Fakanal Bisztro，佢個燉牛肉湯有微辣椒香但不太辣卻很惹味，而另外食左隻雞脾，賣相就好似甩皮甩骨咁，但味道其實好好，肉質又滑，很推薦！加上消費比起出面餐廳平，可以無所顧忌地吃。

而另一間到就試左個椰菜包，味道酸得來很怪，個人來講超級唔鍾意，結果最後食唔哂扔左有點浪費，早知就唔買，唔建議食。另一檔食既係傳統匈牙利食物Langos，有鹹亦有甜可以選擇，但叫左款式之後，佢會不停問你加唔加乜，加唔加物，千萬要小心，因為每一款話要都要再加錢，唔say no就會好貴！而味道和口感方面，佢似足香港既油炸鬼加配料，普遍既配料係凍既，食落就幾油膩下，而份量都幾多，2個人食1個都勉強食得哂，我覺得就普普通通，唔食既損失就不太大既，因為冇咩驚喜。