「立」即去旅行 Lap's Travel

今次留係布拉格2日所住的Oasis Prague Apartments，是位於黃色B線的Namesti Republiky 站附近，去任何布拉格景點都好近好方便，而且行過去大給約10分鐘腳程，不算太遙遠，而且很近民居，所以環境很寧靜。佢轉角位有間帝國咖啡館Cafe Imperial係世界十大最美cafe之一，記得去潮聖一下。呢間Apartments唔係傳統酒店，由成棟民居改建已成。如果入住時間太晏的話，這棟大樓的登記處會冇人，並需要去附近同一集團的另一棟住宅大樓拎鎖匙同登記入住，所以遲入住記得email佢地，佢地會再email返詳細做法畀你。

一入reception就充滿暖氣，reception個女職員非常helpful值得稱讚！登記完就可以過隔離道門去life位或者樓梯位上房。條通道有啲似以前打仗時期既秘密通道，但有樣野唔好，就係呢邊既地板係凹凹凸凸既石路，拖住大型行李箱的話一點也不容易拉，而且呢條通道係有道門可以直接連住街外，道門係會上鎖，由內出去就咁開就得，由外入內就要用鎖匙，不過條鎖匙就非常之咁唔好開，加上呢處冇暖氣，冬天會比較涼。此外，上樓部lift超級細，2人2個28吋行李就已經會塞爆lift。走廊用左環保設計，有人就會感應到而開燈，但有時候未感應得好好，所以會摸黑行。

入到去間房都幾大而且幾靚、幾有家的感覺，基本上就係一個小型住宅單位來，裡面仲有個小型廚房，但燈光就偏暗左少少。室內有暖氣，但因為我唔係太習慣，所以覺得有點焗，有時候就會開窗畀窗外冷風吹下入來平衡一下。不過，窗外都冇咩景色可言，完全被其他住宅包圍住，望出去就唔係好覺見到其他人。係住既期間仲見到落雪添呀，開窗伸手接住啲雪既感覺真係好寫意，一冷一暖望住窗外雪景真係好放鬆。

廁所就咩設備都冇，冇牙膏牙擦提供，只有一款洗頭水同沖涼液二合一黎沖涼。整體來說，雖然佢咩設備都冇，比起酒店的話真係爭一大截，好多位都有需要改善一下，但佢就畀到一種住進捷克人家的感覺，所以我都算幾享受。要住呢到定住酒店就要視乎自己想要什麼啦～

優點：地點便利、員工服務佳、環境寧靜、有種住進捷克人居所的感覺

缺點：房內設備不足、上落升降機太細、通道石路不利拉行李

推薦指數：★★☆

抵住指數：★★★

房價：Expedia