【遊記】Day 4 寒冬下東歐兩國 + 瑞士之旅 2017－「立」即去旅行 Lap's Travel

第4天（星期二，17/1）

行程：布達佩斯》兌錢》酒店放行李》佩斯1日遊》酒店

搭左差不多接近十多個鐘頭火車（有點delay），終於從布拉格來到布達佩斯，第一樣野係要過中央火車站對面兌錢先，要來買車票之用，但在這邊兌足夠買車飛的錢好了，因為個老闆娘態度好差又兌換率差，所以我也兌夠買72小時火車票的錢之後，先搭火車去Gold Exchange（按名介紹）兌大量既匈牙利貨幣福林，然後就去今次住三晚既布達佩斯酒店Andrassy Thai Hotel（按名介紹）放低行李安頓一下。話說搭過來酒店的黃色線，每一個車站望落去都好似哈利波特入面嗰啲車站，既懷舊又有電影感。

放低左行李之後，就正式開始四日三夜既布達佩斯之旅啦！而第一站要去既就係醫肚，原本係搭地鐵去Kossuth Lajos ter站係國會大廈落再行過去餐廳，點知原來嗰陣因為裝修所以個站暫時封閉左，唯有係另一個站落再行，行左10幾分鐘加上google map就終於來到Hungarikum Bisztro（按名食評）食第一餐匈牙利菜！水準相當唔錯！食飽飽之後，就行過去國會大廈，不過今日就因為英文導覽團已經額滿了，所以就臨時決定係最尾一日早上再來過參觀。

影完一輪相之後，就決定去下一個景點，本來應該係從國會大廈的車站去下一個景點的，但因為個站封左，所以臨時決定搭巴士（72小時車票有包巴士的），但幸好也搭啱了，搭到去Deak Ference ter到落轉地鐵，搭去黃色線的Bajcsy-Zsilinszky ut站，亦即係酒店個站，無錯，因為下一個景點係酒店隔離而已，佢就係聖史蒂芬大教堂。佢係布達佩斯的地標性建築物之一，於1905年為了紀念第一個匈牙利國王而建成的，內裡有個收費展望台不過我就冇畀錢上去睇，因為第二日也會上布達那邊的山看景色，所以今次只係睇下裡面教堂。

不過我就覺得之前在布拉格城堡區所睇過既聖維特主教堂宏偉壯觀很多，但這裡的遊人就少好多，內裡的裝飾也好精緻，氣氛相當莊嚴神聖，就是規模上相對細了一點。然後就搭車搭同一條線去opera站，參觀另一個景點—國家歌劇院 Hungarian State Opera（按名介紹），記得要參加導覽團先可以唔睇歌劇也可以參觀，值得看一看的。

參觀完出到來天色也黑了，但其實也好早，所以再睇埋是日最後一個景點，搭火車去到Hosok tere站再行過去英雄廣場。英雄廣場的中心，是該市的地標—千年紀念碑，刻有在9世紀創建匈牙利的7個部落領袖，以及匈牙利其他歷史名人的雕像並建於1929年。原本從左邊數來的前五尊雕像是統治過奧匈帝國的人，但於二次大戰時被摧毀後又重建過。