【美食】布達佩斯 Hungarikum Bisztro 匈牙利菜：打開美食序幕的第一餐－「立」即去旅行 Lap's Travel

之前在布拉格的每一餐，除了臨走前嗰餐，幾乎都全部唔啱胃口，估唔到黎到匈牙利布達佩斯既第一餐，就迅間找到啱哂口味既餐廳，佢就係Hungarikum Bisztro。搭紅色線去到國會大廈個站Kossuth Lajos ter再步行過去，大約十幾分鐘（途中真係要靠下Google Map）先搵到，條街嗰陣就冇乜人，估唔到入到去有好多人食緊野，差不多滿座咁濟，而且大部分唔知點解係韓國人。

成間餐廳的裝修都好溫馨親切的感覺，令人很自在，但同時又好現代化，因為佢本menu係一部平板電腦加一本booklet，平板電腦裡面有哂所有食物既圖片，唔識佢地既語言，只係睇圖片都會明白自己想食乜，而且侍應既態度都好親切。

當然一開始又是點飲品時間，點左杯Old Fashioned Lemonade（550福林），像檸檬味道既梳打水，甜甜酸酸有汽所以都幾開胃；然後就上左碟餐前小食，其實食完都唔太知道係咩黎，下面應該係麵包，幾鬆軟的，而上面係酸忌廉同紅色一點點既應該係辣椒粉，不過匈牙利既辣椒粉有分甜同辣，這些是甜的，佢會額外再畀啲真係辣既辣醬你加，想辣可以任加的，這兩個餐前小食應該冇收錢的。

然後就叫左個傳統匈牙利炖牛肉湯Goulash Soup with mini Noodles（1250福林），望落去似羅宋湯但味道濃而且冇蕃茄所以唔會酸，有種獨特既香味，應該係加左紅椒粉而煲成的，而且湯料很多，有牛肉、薯仔、蘿蔔同一些意粉粒，淨係飲完個湯都飽左一半。另外兩個主餐分別係炒牛肉薯仔片和雜菜（3900福林）和豬腰肉配紅椒粉醬汁和麵團（2850福林）。豬肉煎得很香又沒有豬臊味，和紅椒粉醬配合得很好，帶出一點點惹味；炒牛肉那款牛肉也很稔身，索了一些雜菜像茄汁一樣很好食，而重點係兩者份量都好多，食完飽到上心口。