【美食】布拉格 Cafe Louvre 羅浮咖啡館：在百年歴史内享受早餐－「立」即去旅行 Lap's Travel

Cafe Louvre 羅浮咖啡館在1902年開始就已經在布拉格營業，已經屹立了過百年，最著名的常客包括作家卡夫卡和科學家愛因斯坦。如果是搭地鐵來的話，最近的車站是黃色B線的Narodni Trida站，大約行5分鐘左右就會見到。整棟黃色建築物的風格都停留在19世紀的美好年代，再加上我今次冬天落雪來到，真係切切實實感受到時空好像還停留在舊時咁，即使世界如何因為科技而進步，這裡依然保存著古舊的氣息。

一踏入門口就已經令時空凝固，嗰種舊式的水晶燈和樓梯，再到餐廳內的各種裝修、地圖、圖片都細訴著歷史。今次因為早來，所以不用等位就可以自己揀個理想的位置坐下，有分非吸煙區和吸煙區（晏了的話是需要等位，我食食下已經見到好多人）。

SWWW1916

首先又係點餐飲時間，分別叫左杯超牌熱朱古力Hotichocolatei Louvre（59克朗）和Latte（55克朗）。杯朱古力一上枱望落去濃，隔離有杯忌廉係放落去，還有杯梳打水（我完全唔鍾意飲），我先齋飲杯朱古力，真係好濃但同時亦超級甜，係甜到封喉；然後我就放忌廉落去，反而溝淡返少少，但就變到好稠。至於杯Latte，好滑而且有好濃既咖啡味，鍾意甜既要落返點糖，而佢亦都係有杯梳打水跟住（真係難飲）。

然後又係送上餐包，可惜又係唔太識得飲賞這些又凍又硬又乾的麵包，較好食係包面有一粒粒粗鹽係面嗰款，但記得撥走少少鹽，否則會好鹹。之然到叫主餐啦，先叫左個叫Cowboy Breakfast既套餐，有杯橙汁、煙肉煎蛋同蘋果蛋白果仁批（139克朗）；再叫左火腿炒蛋（69克朗）。第一樣上枱係蘋果蛋白果仁批，我個人幾鍾意隻味，有點肉桂香煮了的蘋果肉配下層的果仁口感和上層的綿綿蛋白，唔會過甜。

之後到兩款蛋，食落其實同香港食既味道分別不大，只不過是將煙肉放落去煎蛋一齊煎好；而火腿炒蛋同香港整的賣相都幾大出入，佢唔係將蛋和火腿混合一起炒，反而放上面，炒蛋也炒得很水，不過就好滑身。兩種蛋煮法剛好和香港相反，煎蛋就混料煎、炒蛋就分開炒，真有趣。整體上，這餐算係比較適合亞洲人的口味，可以係有過百年歷史價值的地方嘆返個早餐，來布拉格絕對要來這裡感受一下。