【交通】從布拉格往布達佩斯之過夜列車 2017－「立」即去旅行 Lap's Travel

布拉格去布達佩斯火車：捷克鐵路 https://www.cd.cz/default.htm （有英文，買票後列印出黎就可用）

之前介紹過在上面的網址購買過夜列車的車票，列車的編號為EN477就是布拉格去布達佩斯的列車，在網上購票後，只需要直接列印出來就可以，像下圖一樣。下圖中間寫著Praha就是起點，Budapest就是目的地，而地點上面就是日期，然後右邊中間是價錢（雖然明明2張車票買的東西是一樣，但不知為何一張價錢是貴點；左邊就寫了列車編號EN477；再下面較花的是所買的東西，會有2項是因為一項是指登車車票、一項是瞓覺的床位，一定要2者一起買，右邊是人名。

再之後就是列車資訊，包括列車開出時間和到達時間，例如下面就寫住23:58開車，08:37抵達，床位係21號，基本上這張就是車票，並不需要去到再換實體車票。而以防萬一，我選擇了早幾小時到火車站等。

要搭火車由布拉格去布達佩斯，就要去紅色C線的Hlavni Nadrazi站再行過去Praha hl.n.station，只有一條路很容易找，而呢個站都有十幾間不同商店和有超市可以補給下。車站內有不同既電子板顯示列車資訊，像我要搭的EN477就會顯示在最左邊，再來就是要睇架車會係咩月台上車，會顯示係右邊尾二個欄（今次是5號月台）。話說這個車站並不是室內的所以冇暖氣！！我當時是冬天夜晚等左幾個鐘車！！越夜啲氣溫越低而且成日有風吹埋，真心凍到人都震埋，亦係成個旅程覺得最凍的一次，事後知道係零下13度，加上有風又濕凍，等得真係好痛苦⋯⋯

而終於到我班車顯示了月台之後，就急急腳行，務求快啲上車有暖氣，而去月台亦只有一條路，下圖第一張紅色部分就是候車大堂。上到月台畀月台職員check下張印出來的車票，再等佢指示等上車，呢個時候比起頭先更凍，不過好彩只係凍左一陣就可以上車。

我間房係4張床的包廂來，幸運地成程只有我和朋友2個人，並沒有其他人入來，因為裡面係超級迫（但之後由布達佩斯去瑞士的車廂環境差幾倍），在中間企位放了行李已經冇位，而包廂內更設有一個微型梳洗位，這一點非常好，而且有牙膏牙刷。床鋪亦已經一早鋪好，唔算太硬，但其實當架車逢轉彎的時候，一有高低位就整個人感覺上向某一邊傾斜，所以時不時會整醒，並不是瞓得太好。印象中亦不見有車長半夜要查護照，明明是要過境的。