【美食】聖安德烈 Restaurant Aranysarkany 匈牙利菜：期望太高的一餐－「立」即去旅行 Lap's Travel

今次來到匈牙利一個郊外的地方叫聖安德烈小鎮，這個小鎮有間餐廳在香港的雜誌中亦曾經有介紹過，叫做Restaurant Aranysarkany，佢間店舖並非很顯眼，不過只要認得有間食Gelato既店左邊斜上隔壁一、兩間就會見到，上餐廳仲有一小段樓梯要上，裡面是一間像家庭格局的餐廳。

門外會有menu可以睇下，有很多國的語言，最主要當然係睇英文，有散叫亦有套餐，當中今日我所叫的就是遊客套餐，貪佢咩招牌菜式都有哂，麵包燉牛肉湯、芝士汁雞胸肉和杏仁pancake（3900福林），價錢很實惠。

因為一開門就入去幫襯，所以裡面冇咩人，但桌上的餐紙就好有趣，有哂餐具擺位既圖案，侍應實唔會放錯，哈哈！先上的是餐前小食，麵包依舊又凍又乾不好吃，但個醬吃下去有點蕃茄味的，雖然唔知係咩來，但味道還是可以接受的。然後就到飲品，天氣咁凍就叫杯茶，竟然係送上茶包畀你揀，再附上蜜糖畀我溝落去，結果就變成蜂蜜綠茶了。

YJUM2120

最先送上係個湯，賣相絕對可以呃like，一個由麵包做成的碗裝住啲湯，但同時間個包吸收啲湯吸得好快，但個包又唔好食喎，變相浪費左啲湯，不過味道就唔夠之前在市區飲的。然後就到個主餐，雞肉味道還頗好的但就是偏鹹了一點，飯吃下去有在亞洲吃的感覺，但配上個舊類似生果的有點不倫不類，而且舊野不太好食，但整體上都算唔錯。