「立」即去旅行 Lap's Travel

第5天（星期三，18/1）

行程：布達半日遊 》佩斯半日遊 》酒店

今早的上半晝時間，主要都會係布達區那邊遊覽，包括最主要的景點漁夫堡，因為主要係靠對腳四圍行，所以係出發之前，梗係要先去食早餐養足體力先啦，咁先要氣有力行更多的路！首先去左Gerloczy Cafe & Rooms de Lux（按名食評）到食早餐，一日之計在於晨，一餐悠閒的早餐是非常之咁重要的。吃飽了就開始今日既行程，先搭地鐵去到位於藍色線的Ferenciek tere站到落。

落車出站之後，就向住多惱河既方向行，中途仲見到個小公主雕像坐係欄杆，然後就向住鎖鏈橋方向繼續行過去，而呢日見到河面結哂一舊舊流動的冰塊，天氣真係好凍，來到鎖鏈橋就繼續過橋過去布達區嗰邊，全程由出站再過埋橋大約用30分鐘左右。

過完橋就見到纜車可以上山，當然採取既策略係上山搭車落山步行，車程其實好快，價錢為1200福林單程。

上到去就梗係遠眺佩斯區一帶的風景啦，日間的風景已經好靚，晚間應該更不得了，可惜冇機會再晚上過來多一次。這邊的山上區域和之前布拉格城堡區很不同，布拉格就一次過買定門票再續個看，這邊就沒有這種，只有個教堂係要付錢進入，但這幾天已經看了幾次教堂，已經看得有點膩了，所以今次冇入去。

這邊還有一個藝術館和石醫院博物館，不過價錢有點貴就所以冇入去睇，而重點既漁夫堡其實係唔使錢嫁，因為佢只係得個位上去望下風景咁，冇室內位參觀的。然後再四處行下，玩下雪食下野咁，就慢慢行返落山。

中途會經過幾次纜車的上蓋，別以為要行好耐，二十分鐘內已經落到去，再搭車去全世界最靚的咖啡館New York Cafe（按名食評）到享受下午茶時光。

然後搭地鐵去中央市場 Central Market Hall（按名介紹），足足行到天黑時間先返出來（電車車費已包在72小時交通券內），其實原本今晚係訂左坐船遊多惱河睇夜景，但因為河面結冰而取消了，係今次旅行既一大遺憾，唯有留返下次再畀籍口自己有機會再來。

因為冇得遊船河睇夜景，所以就沿河邊散下步，然後就去Kiskakukk Etterem餐廳（按名食評）晚餐，食完搭返市區位行下超級市場買下野就返酒店休息，因為第二日要去近郊的聖安德烈小鎮。

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel