「立」即去旅行 Lap's Travel

來到蘇黎世車站啦！一落車就感受到和東歐截然不同的氣氛，所以的事物又現代化一點、乾淨一點、空氣又清新一點、溫度也冷一點，連物價也貴了很多，只是一程火車就劃分了兩個相反的世界，由貧乏一點的國家走到世界級富裕的奢侈城市，給人沖擊了一下頭腦。落車後第一樣野要做既係先安置兩件大型行李，在車站落一層就有Locker，Locker旁可以兌換硬幣的，Locker費用價錢不便宜，要成舊水一格，不覺因為今晚較夜時間先上機，還有充裕時間可以遊走一下，所以還是需要放好個行李先兩手fing fing去玩。

上返車站大堂之後，即刻爭取時間去information centre買車飛去琉森，價錢也不便宜的，為返港幣要3xx來回的，但因為上網資料搜集過蘇黎世冇咩特別野玩同風景睇，但又得一天時間，所以決定去少過一個鐘車程既琉森睇下，好多旅客來瑞士都會到琉森，因為附近就是上雪山的地方，希望將來可以再來上一上去啦。其實買完飛之後得好少時間衝落月台上車，去到月台迷惘個陣，有個超級好心的台灣女士幫助我們，教我們點做，在車上又一路介紹我們玩什麼食什麼，原來佢係已經嫁左過去住左好多年，多得佢先至可以冇穿冇爛咁可以去到琉森，又識得搭返去（因為無論車飛、車站指示等等都冇英文只有德文，加上做功課不足，所以好彩出路遇貴人），在此真係要送上萬分感謝。好快去到琉森，基本上一出車站就會見到琉森湖同最著名的卡佩爾木橋Chapel Bridge，這條橋只有少部分受損，被公認爲歐洲最古老的木制有蓋橋樑之一，但現在還得以保存真係好難得，而且個湖啲湖水最清，夏天天氣好應該會更加靚。

而剛好是日係星期日，所以係橋四圍都有一個個檔攤作為露天市集，不過賣的是以濕貨為主，對於我這種過客用途不大，如果是會在住幾天的話，我大概會買些原材料回住宿處煮食的。然後就先去醫肚，去左叫Migros和coop（按名介紹）的超級市場食早午餐。

其實在瑞士也主要是看下風景的，然後去左睇個獅子紀念碑，係一頭生命垂危的獅子，被雕鑿在岩石上，以紀念1792年圖伊勒里宮Tuileries 被襲時犧牲的瑞士禁衛軍。然後返左去湖邊，掙扎左一陣係咪應該畀錢坐船遊湖，但因為真係太大霧所以放棄左，唯有畀機會自己下次再來過，就只係湖邊散下步睇下天鵝。

之後去下一些商店街逛下買下手信，名錶就買不起了，唯有買下朱古力，但其實也不便宜，一塊塊原塊朱古力可以叫佢磅再揀，格局好似賣豬肉乾舖咁。琉森風景真的好靚，所以就靜靜四處冇目標咁行下，但天氣真的超級凍。題外話，係超市見到啲雞蛋外層有些綠色跡痴住，應該是雞屎吧，很新鮮呢～

總括黎講成個旅程都很開心，可以見識到外面既世界，和現在所身處的生活和環境所帶來的文化衝擊和視野，讀萬卷書不如行萬里路雖然老土，但有啲野真係要親身感受睇過先會領悟到。希望將來有機會再返這些國家，到時候可能只會到一個國家（可能是瑞士、意大利或是法國吧），再深入了解佢，好過走馬看花，慢遊一個地方才會體驗到那個國家的可貴之處。

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel