第3天（星期一，16/1）
行程：布拉格舊城區1日遊 》布拉格中央車站 》布達佩斯
話咁快黎到布拉格第三日，今晚就要搭夜行火車去匈牙利的布達佩斯了，不過日間時間都會盡情玩樂一下，一早起身就決定先去食早餐，因為間餐廳好近住宿既地方，所以就食完先再返去Check out同寄存行李係reception，而呢間好近既餐廳就係有世界十大最美cafe之一的Cafe Imperial 帝國咖啡館（按名食評）。
食完就返酒店執拾好行裝，然後先放行李箱係reception，然後今晚食完飯先返黎拎。第一站去左位於市民會館旁的火藥塔，不過因為之後會上去天文鐘的展望台參觀，所以就冇再付錢買票上去睇了。然後再慢慢行去舊城廣場，因為第一日只係兌左好少錢，所以決定先兌多少少，再望下側邊啲小食檔。
因為唔係好肚餓，所以就決定先上去天文鐘 The Medieval Astronomical Clock（按名介紹）參觀，居高臨下一覽布拉格的風景。大約睇左45分鐘左右，就落返地面，然後去附近既哈維爾市場睇下土產買下手信，呢到既產品平絕布拉格既遊客區，所有平時係商店見到既特色產品（例如水晶嗰類），這些檔攤都會賣得比較平，幫襯呢邊就無錯嫁啦！
行到咁上下又未食午餐，就返左去舊城廣場嗰堆小食檔到覓食，買左個圈圈麵包，甜甜地都幾鬆軟，算比較啱食、之後見好多人食既腸仔，我就覺得太騷、仲有杯熱酒，好難飲所以倒左，哈哈哈，布拉格的食物真的不太合我口味。
然後朋友要寄信，寄完去咗之前經過嘅Puro Gelato（按名食評）食咗杯冬日雪糕，超軟滑又入口即溶，大力推薦。跟住行返去河邊一帶，呢個時候落雪呀，所以就玩左陣，又上查理大橋睇下人餵雀仔。
再四處逛狂些商店，就去左係市民會館內的Kavarna Obecni dum（按名食評）下午茶，環境就一流但食物就一般啦（只食了蛋糕為主）。食完出到黎天都開始黑，除了閒逛還是閒逛，連布拉格的百貨公司都睇過下。
跟住就到晚餐時間，呢間餐廳畀我有種相逢恨晚的感覺，叫做Restaurance Sedm Konselu（按名食評）。因為在布拉格咁多餐都冇話食到一餐特別令人驚艷的餐廳，唯獨係呢間做傳統菜式既餐廳，竟然令我有種打開味蕾既感覺，總算可以係布拉格的最後一餐留下美好回憶。食完就返去住宿處拎返行李，然後就去中央車站，等待今晚的火車去布達佩斯了，詳情就睇返【交通】從布拉格往布達佩斯之過夜列車。
對於布拉格的感覺，這裏的氣氛其實也偏向幾商業，好多地方都可以賺到遊客的金錢，那些商品是很典型很老土的那一種，所以其實我也沒有買了很多東西。而在食的方面，很多菜式其實也不算很合我的胃口；反而去唔同景點嘅參觀，因為布拉格其實很細，很多時候可以用腳去步行到每一處，這樣做反而有點好處，因為更可以行去一啲比較深入嘅地方，感受到當地人民的風土人情，亦因為景點很集中，所以節省了很多時間，旅行的節奏也可以慢了下來，因為反正到到都好近，很容易到哂每一個地方。布拉格的空氣就像是靜止了一樣，是一個適合慢慢享受的好地方，希望將來還有機會返嚟啦！
下一篇就是布達佩斯了!
「立」即去旅遊Youtube channel、Facebook專頁、Instagram、Pixnet：
Youtube Channel：https://bit.ly/2scNVfk
FB： https://www.facebook.com/lapstravel/
IG：lapstravel
留言列表
【香港 Hong Kong 】 (4)
