【兌換】布拉格、布達佩斯兌換店介紹 2017－「立」即去旅行 Lap's Travel

在布拉格或布達佩斯，雖然在部份遊客區係可以直接用歐元付款，但匯率卻非常差，所以去到當地還是用歐元兌當地貨幣才是最化算的做法。布拉格所用的貨幣為CZK克朗，而布達佩斯則是HUF福林。

（1）首先一到達布拉格機場，除非是一早已經預訂了車有司機接送，否則就要兌定錢搭車出市中心。機場的兌換店，不用說匯率非常差，所以如非必要真係不·要·係·機·場兌錢，我買交通券2張為220克朗，再多少少以防不時之需，所以預400克朗就夠了，其餘就去到市區先兌。

今次介紹既係Exchange s.r.o.，係Staromestska站出（A line綠色線），係著名景點泰恩教堂個廣場附近，都幾容易搵亦好方便去其他景點，匯率比較起機場好成倍，而且星期一至日都開，時間為09:00-20:00，要兌克朗的話來這裡就對了。網址：https://www.exchange.cz/

（2）搭火車來到布達佩斯中央火車站之後，首先要做既又係兌定錢買交通飛，2張72小時火車飛為8300福林，再多少少以防不時之需，所以預10000福林就夠了，因為近火車站的兌換店，不用說匯率非常差，所以如非必要真係不·要·係呢邊兌錢，下圖左邊細細間黃色店就係兌換店，一出火車站就見到好容易搵。但裡面個職員非常非常之臭串，好彩兌好少！

所以我之後就去了位於Blaha Lujza ter站既Gold Exchange兌福林，即使要收手續費，匯率依然比較起上面嗰間好成倍，佢位置於布達佩斯最出名最靚，亦係全世界最靚的New York Cafe對面。星期一至五開09:00-19:00，星期六開09:00-15:00。網址：http://www.goldchange.hu/?lang=en

Gold change