【美食】布拉格城堡區 Konirna Restaurant Brasserie捷克菜：相機呃like菜式－「立」即去旅行 Lap's Travel

遊覽完城堡區一帶之後，大約下午1點幾2點，就來到山腳位於列儂牆附近的Konirna Restaurant Brasserie食下午，但黎到間餐廳就冇乜人。雖然間餐廳有戶外位置，不過天氣咁凍，我就當然坐在室內啦。這間餐廳由1776年開始經營，是一間非常有歷史味道的餐廳，剛好配合城堡區附近的氣氛。

例牌的，首先要叫飲品然後才叫野食。先來了一杯Raspberry Lemonade覆盆子檸檬汽水（25克朗）和七喜（45克朗）。再來就是例牌的麵包，出奇地這間算是比較好吃（其實也算難吃的了）。

然後就是今次呃like之菜了，一條用鐵劍穿住吊起來的多肉串燒！（690克朗）集合了牛肉、雞肉、豬肉和大量蔬菜的串燒呀！下面是滿佈燒了的薯仔，整條串燒足足有成隻前臂咁長，屬於2人份量，佢另有4人份量，視覺效果更為誇張。先講牛肉，其實烤得很韌，像食香口膠、至於豬肉的豬燥味很濃，口感很嚡、雞肉係三者中最好的，雖然係雞胸肉比較嚡口，但味道係最正常。反而成碟菜式最好食的是煎薯仔，份量亦非常之多，食完飽到上心口。整體黎講，這碟菜式賣相就100分了，但味道就完全沒有合乎期望，只屬合格水平。