「立」即去旅行 Lap's Travel

Andrassy Thai Hotel位於布達佩斯一個很接近市中心的地區，如果搭地鐵來的話，就在黃色線的Bajcsy-Zsillinszky ut站落車，一出地下車站行幾步就會到，交通非常方便，來往各個布達佩斯的景點也很方便。而且所位處的這條街道名店林立，所以無論日間還是晚上都比較寧靜（布達佩斯的名店較少人去不像香港）。從外觀望是一棟歐洲式建築，不如名字般充滿泰國味道。

行入去發覺間酒店只係佔整棟大樓的部分單位，所以出出入入會需要㩒密碼，而且會有其他不同人士出入，像酒店隔離是一間青年旅舍，比較會嘈吵一點，不過很少遇到既。入到去要先上幾級樓梯先有lift，而lift都充滿著濃烈舊式戰前感覺，別有一番歷史味道。

在酒店外的部分，因為沒有裝燈所以入黑後會非常暗，夜歸的旅客要小心點。入到去就終於有返泰國風味了，登記完之後會畀個泰式小盒，裡面裝有鎖匙和貼住wifi密碼。

入到房間，就如上網睇的一樣充滿泰國風格的裝修，而且樓底好高，有暖氣又有冷氣，像我不太習慣只開暖氣的人會覺得好焗，這時候可以開冷氣平衡返（好奢侈，冬天落哂雪都開冷氣，但無辦法，不開暖氣又凍到抽筋），而窗外景色就對正馬路，但也不會太嘈。

無錯環境係幾靚，但床鋪竟然搵到有頭髮，很污穢呀！即刻大打折扣！而去到廁所先係最不堪既部分，先唔講裡面乜都冇，因為裡面座廁同沖涼花灑位係一齊既，但佢既去水位做得好差所以成日水浸！而更差既係，第一日沖涼不知道，佢原來用熱水係要煲嫁！！！就好似以前香港熱水爐咁，第一個沖唔知道，只係沖左10分鐘，而第二個沖沖下竟然冇熱水！要知道當時係東歐既冬天，開左暖氣還是有點凍！話哂酒店竟然連基本沖涼熱水都冇，職員仲要話係咁，叫人唔好沖咁耐，真係唔知講咩好，再來布達佩斯應該唔會住佢。

優點：地點便利、員工服務好、泰式風情

缺點：房內設備嚴重不足、樓宇較舊、拉行李需有部分上下樓梯、衛生一般

推薦指數：★☆

抵住指數：★★

房價：Expedia