【交通】布拉格機場到市區介紹－「立」即去旅行 Lap's Travel

到達布拉格機場，除非是一早已經預訂了車有司機接送，否則就要自己搭車出市中心。布拉格機場好細，一落機基本上是一條直路，就會到行李輸送帶領取處等拎行李，然後隔離位已經係機場大堂。千祈唔好就咁搭係機場大堂內叫你搭的士既司機，大多數都會呃人嫁！兌好錢就買左2張1日券（機場大堂會有櫃位有人售票），計算時間由打卡開始計起24小時內任搭市區內地鐵和巴士，價錢為1張110克朗。

車飛記得一定要打卡，否則會當你未生效，捉到就會罰錢嫁啦！然後就出機場，一出去過馬路轉右邊就會見到巴士站，最快捷既係搭119號巴士，如果有行李就要另外同司機買行李券，大約坐20分鐘左右，就會去到一個叫Nadrazi Veleslavin既站（巴士有電子牌提示），就好似下圖咁既樣，落隧道個位就係落地鐵站，呢個站係屬於綠色A條，如果去市中心或者最大路既景點，主要係搭黃色B線或者紅色C線，每個站與站之間只係3-4分鐘，同香港搭港鐵差不多，所以即使冇的士出機場都不用怕，布拉格地鐵線路一點也不複雜，但要留意一點，帶住大型行李要搬上搬落樓梯去地面，站內落月台有超高速電梯，記得要小心！