【美食 – 超市篇】蘇黎世+琉森瑞士食乜好?－「立」即去旅行 Lap's Travel

瑞士的物價指數很高，比較起香港更貴多一截，在普通餐廳閒閒地食餐飯都要四、百蚊以上，再加上交通費用也是昂貴，每一下洗費也需要想過度過，這個時候超級市場就幫到手了，就像Ikea一樣，這堆超市會附設餐廳部分，別以為超級市場食物質素就會很差，它們所提供的甚至比起一些餐廳好，所以來超市搵食在物價高昂的瑞士來說，提供了絕佳的廉價選擇，而且總有一間係附近。以下是兩間曾經光顧過的超級市場：

1. Migros

分別光顧過2間Migros的食物部，一間在琉森一間在蘇黎世，琉森那間就在行去那個石獅子公園時會見到，成棟很顯眼，一望就望到，佢個食物部就在地下位置，有堂食座位。食物種類繁多，由日式壽司、春卷到最著名的燒雞都一應俱全。

必點既係原隻或是半隻燒雞，半隻好像是7蚊瑞士法郎，吃落很嫩滑味道很惹味，而且不會燒得太乾身，完全唔似係超市出品，而且份量頗多，價錢又實惠絕對值得吃一下；另外叫左個蘑菇汁長通粉，份量又是很多，歐洲吃這些通粉也很少會中伏的，可以試一下；再之後叫左個春卷，叫落去是很脆，但和在香港吃到的分別不大，而且和半隻燒雞的價錢是一樣，想也不用想應該叫燒雞比較化算。還有叫了隻雞脾，價錢平半隻燒雞少少，味道口感大致相同，所以還是叫燒雞較抵，此外也喝了朱古力奶，瑞士出名奶，所以很便宜又入口香醇。

而在蘇黎世那間則細很多，而且主要是只做食物外賣，位置就在蘇黎世車站地庫，但內裡不能拍照，野食方面叫左另一款長通粉和焗薯仔，兩者味道不錯而且份量多；另再買了栗子蓉做飯後甜點，但實在太過甜，有點封喉所以沒有吃完就扔了。至於紅紅地個盒係酸甜蝦，但並非在Migros買，而是在一間百貨公司的地庫超市所買，價錢是絕對的貴，小小一盒要一百元以上，有4-5隻，但超級彈牙和鮮味。

推薦指數：★★★★

抵吃指數：★★★★

網址：https://www.migros.ch/de.html

2. Coop

至於Coop，我就只是在琉森有幫襯過，而且因為已經在Migros吃飽了，所以只在這超市吃了甜品，地點也是行去石獅子公園內某個商場內，也可以堂食，買野形式和Ikea是一樣的。分別叫了個芝士蛋糕和栗子撻，兩者水準比美心好一點點，而栗子蓉冇Migros所食既咁甜，以超市來說，我認為是合格的。不過今次未有機會食鹹食，我見都幾多人幫襯，而且野食賣相不錯，但就比起Migros貴一點。