【遊記】Day 2 (下) 寒冬下東歐兩國 + 瑞士之旅 2017 (布拉格城堡區1日遊散策)－「立」即去旅行 Lap's Travel

第2天（星期日，15/1）

行程：布拉格城堡區1日遊》中央區》酒店

2017年寒冬下東歐兩國+瑞士之旅-第2天（上）（請按標題）

之前講到由城堡一帶慢慢行樓梯落山，由於已經係1點幾2點，所以就出發去午餐。行左去附近的Konirna Restaurant Basserie（按名食評）到午餐，就係列儂牆附近，順便可以抖下（行左成朝城堡區，腳都斷）。食飽左之後，就決定去列儂牆（Lennonova Zed）睇下，其實佢本身只係一道普通嘅牆，而披頭四既John Lennon本人其實係冇黎過，當年捷克年青人以塗鴉和歌詞係牆發洩對共產主義的不滿，再導致衝突發生而過百人被捕。John Lennon正好就是代表住和平和愛，因而促成這牆的誕生。其實整幅牆不是很大，但佢既歷史意味卻令這幅牆變得不再平凡。

HZXU7392

而係列儂牆隔離，更有間以John Lennon為主題既酒吧，有興趣可以睇下。此外，幅牆隔離有條小河，不知為何逢係河隔離的鐵欄杆，總係喜歡用那些代表愛情的鎖鎖在橋身，到到都有咁。

再行冇幾遠，就會去到查理大橋，這條橫跨城堡區和舊城區的大型地標。我這次來因為是冬天，所以就沒有什麼小偷，不過據聞這裡是非常非常之多小偷的，所以大家要小心保管財物。這條橋上有很多小型攤檔，有賣飾物的、賣畫的、賣相片的，不過大部分也偏向商業味濃。而因為近河既關係，呢邊超多海鷗，所以要小心雀屎～

查理大橋上有好多不同的宗教雕塑，就像一個露天的雕像博物館，有些已經給人摸得太多次而變得光滑了，變成金色一撻，好容易睇得出，因為好似話摸得多會帶來幸運。除左一個個雕像之外，也不要忘記觀賞河兩邊嘅景色，真的好美。

過完橋之後，剛好見到有捷克人示威，真係可遇不可求。然後終於來到舊城區了，首先買左個叫Trdelník既小食，係一個圓筒型但通空既麵包小食，表層會灑滿砂糖。外型咁奇特係因為整既時候係將麵粉團包住一條條木柱烤熟，食落去微微煙韌但卻滿口砂糖。這款小食在布拉格很普遍，基本上所有旅遊景點都會搵到，而且佢有好多變奏版，例如加了軟雪糕的，亦有加了榛子醬的，有點像香港的格仔餅。

去到廣場天文鐘各位，由於每個小時的搭正都會有步時，會有一些小公仔從鐘入面走出來，其實不算太過特別，過程其實很短，不過佢背後一個悲慘的故事。話說在興建完時候，國王為了避免其他國家有這樣宏偉美麗的建築，就把負責設計這幢天文鐘的設計師弄盲了。有時候去這些歷史景點，我覺得清楚知道背後的故事會添加了很多樂趣，冇咁似走馬看花。之後就繼續係呢一區慢慢入下唔同嘅商店，其中仲見到翻版比卡超，我亦花了很多時間到很多台灣人介紹的菠丹妮商店買護膚品和manufaktura買啤酒花洗頭液。

因為已經買咗好多野，所以決定先返酒店放低戰利品，然後再出去食飯。不過係晚飯之前，見唔係太肚餓又時間尚早，所以首先搭車去咗睇跳舞大樓，係一個咁有歷史風味的地方，竟然有一幢咁現代感重的大樓，其實真係好大膽。不過我今次黎到真係只係望一望、影張相就走了，哈哈。影完就出發去Restaurant V Cipu Michalska（按名食評）晚餐，整餐也是不過不失啦。