【遊記】Day 7「東京」紀念秋遊之旅 - 2016－「立」即去旅行 Lap's Travel

第7天（星期六，22/10）

行程：池袋》台場

話咁快今日終於嚟到叫做最尾一日（因為第8天係超早上機），一大清早係酒店check out之後，首先係附近嘅便利店買早餐食下，然後拖住行李慢慢行去車站，中途經過百貨公司，我本身好鍾意食栗子，經過左咁多日百貨公司甜品部，決定最尾一日食返個栗子蛋糕，睇見個賣相都覺得好吸引吧，其他水果蛋糕個樣都好靚，但還是鍾情於栗子。

JLFG9379

ARKX5222

因為拖住個大行李，所以會直接去今晚過夜既地方—大江戶溫泉物語放低先，然後就會係台場四圍行。先由池袋搭JR搭到新橋站再轉海鷗線，放低就再出發去Decks商場。

Decks係第一站，因為要黎Bills（按名食評）做早餐，食飽順便行左一陣，基本上都係沿住堆商場同outlet行，途中見到東京奧運宣傳同奧運唔知咩項目既選拔，更見到reception用機械人，真係好先進但又有啲詭異。

然後就過左富士電視台個到睇下野。

EMPV9308

再出發去Venus Outlet，因為嗰到有狗仔野outlet，可以買野畀我家隻大少。題外話，佢專買小朋友野同狗仔野佔左一層，而呢層係可以畀狗隻入，所以見到好多主人帶埋隻寶貝黎行街，同香港待遇真係爭好遠。

出到黎天已黑，就去左Divercity晚餐，不過只係去左Foodcourt食左金子半之助同はなまるうどん（按名食評），到10點幾11點真係玩到盡，就返去大江戶溫泉物語（按名介紹）。會揀黎呢到，因為除左可以梳洗休息外，更重要既係京王巴士公司同大江戶溫泉物語有合辦路線去機場（成田機場和羽田機場都有），方便我清晨6、7點去到機場而又唔使機場過夜咁辛苦或者機場附近租酒店而又使一筆錢，一舉幾得，要看如何book巴士就請看返行程計劃篇啦（按此）。浸下梳洗下就去瞓一陣了，記得自己較震機鬧鐘。