【手信】「東京」紀念秋遊之旅 - 2016－「立」即去旅行 Lap's Travel

首先要講下右上角個蜂蜜芝士蛋糕，呢個真係必買呀！！好食到喊！！佢唔會因為係芝士而好膩，因為加左蜜糖中和左，而且多左蜜糖所以清甜左，口感仲好軟滑，入口好輕，上面仲有啲糖霜增加左佢粉粉地既口感，不過食用日期就短左啲，買左返黎就好快啲食哂啦。（購自Skytree既Cheese Garden，其他分店就看網址：http://cheesegarden.jp/tenpo/）芝士蛋糕旁係櫻花蝦，來自築地市場。圖中大部分Pokemon產品就來自pokemon centre，除左個大cushion係池袋一間精品店買（係sunshine city對面）。中間上面係woody襪仔，from台場，下面係洗臉酵素，用後感覺超滑，潔淨效果不錯。左邊一點既餅大力推薦，係麥和楓糖整既超級鬆脆餅，味道有點似穀物，好多百貨公司、機場都有售。左上角就係杉養峰園既蜜糖同果味蜜糖，香港買貴一倍，所以我又掃左。下面係雪餅crossover糯米滋味，味道唔錯，送手信佳品，因為佢係獨立包裝，購入自超市。左邊係狗仔食品，左下角則是一堆藥咁。

然後就有左上角（由左至右）既薯條三兄弟、毛豆太郎同海苔太郎（全部購自機場）。最好食始終係薯條三兄弟，其餘兩者就真係麻麻地，如果有薯粒三姐妹的話（正方形既三色薯粒），就買三兄弟加三姐妹啦。右上角係窩夫餅乾，購自機場，味道冇特別，可以不買。中間左邊係朱古力蛋糕仔，唔太甜同好濃朱古力味，而且有加到爆炸糖增加口感好特別，可買黎試下（東京站買，但機場都好似有）。隔離既係杏仁餅購自機場，唔太好食，可以唔理。再中間既一包野係最中餅（購自吉祥寺）同蜜瓜味雷神朱古力（購自機場），兩者都甜到會糖尿病，配好苦既抹茶就啱，淨食甜到喊。中間右邊既係Tokyo Banana出既香蕉味朱古力餅，雖然都甜但口感幾鬆化唔錯，而且獨立包裝，可以買下做手信；不過左下角既都係tokyo Banana出既香蕉味提子乾餅，勁難食千祈唔好買，食完即後悔（兩者均係機場買）。下面中間係保溫袋，Divercity啲3coins店買，右兩包係狗仔食品。右下角係至愛既朱古力餅，唔甜又濃朱古力味又鬆化，黑朱古力味好過白朱古力，必買！（skytree、東京站同機場都有售）。

然後係右邊兩件衫，原宿WEGO買、牛仔外套則吉祥寺買，係Made in Japan嫁，係通向井之頭恩賜公園條路既商店買。左上ipad套100日圓購自台場，隔離北極熊筷子都係3coins店買，亦係Made in Japan嫁！再來中間幾對襪from WEGO，左下nike波鞋from入間市outlet，比出面買平好多。紅色個件魔鬼狗仔衫係台場venus outlet個到買，嗰到好多款揀。中間係八爪魚脆片，好好食，係池袋車站內買。仲有買左Sanrio野，池袋購入for手信。右下係GU褲。

再來就係左上角狗仔小蜜蜂衫，同樣購自台場venus outlet。右邊紅色盒又係八爪魚脆餅，今次係skytree買，但之前見到銅鑼灣sogo有得買，不過貴幾倍。中間一堆茶包、茶葉同小食就係超級市場買，用作手信。仲有薯蛋頭爆谷筒同三眼仔盒（來自東京迪士尼）旁個包抹茶煎餅，好濃抹茶味，來自茶寮都路里。左下一堆就係築地買，櫻花蝦個類用黎送粥用。還有熱狗型用黎給媽媽做化妝袋，係原宿disneyland store買。下面既係TAKAMI去角質層精華液，銀座Ginza Plaza地庫買，改善膚質很好用。還有很抹茶味雷神朱古力、飯盒（Tokyu Hands買）、西梅一包（吉祥寺某葯房買）以及精華液既skytree水晶擺設。