「立」即去旅行 Lap's Travel

今次是我第二次來到海遊館，對上一篇可以參考：【玩樂】大阪 天保山海遊館：來一次深海潛行，估不到依然充滿新鮮感和驚喜。如果有用大阪周遊卡的話，更可以享用100日圓的折扣優惠。會再來多次主要是因為母親第一次來大阪，所以就帶佢來一下睇下，本身自己就冇什麼特別期待的，反正上次也來過，但原來裡面久不久就會有些展覽位更新，所以絕對冇悶場。今日來的時候下著雨，而且都幾早來到，意想不到都幾多人排隊入去，所以都要等左陣先入到去。門口位就要條大鯊魚模型迎接，行入去第一個位依舊係海洋隧道位，不過真係超多人呀！

過左之係森林位，又係好多人，得左陣先埋到去睇，原來係班水瀨係到玩緊同交配緊，真係令人害羞。另外還有一邊牆有好多隻小蟹仔，都幾近人。

沿著水族館一直行，會見到牆上有一些關於海洋生物的資料，等遊客觀賞之餘，亦有教學作用。去到企鵝位，咁啱開始餵食時間，但唔知點解啲企鵝唔肯食嘢，飼養員餵佢地，佢地fing開條魚～再行落去就會有個巨型橫跨幾層嘅水族箱，啲魚係入邊游來游去好靚，亦見到有潛水員係入邊做緊清潔，真係辛苦晒了。

頭先看的上次也有，但行到去某嗰位，就會見到一些上次冇的，專係介紹一些好細型的海洋生物，以可愛為主的，例如小丑魚、小型雞泡魚、海馬、負責做清潔的蝦、插係沙的鰻魚仔等等，全部樣子也很有趣。

行完出來行冇幾耐，就見到小食部，有一款以鯨鯊為主題的軟雪糕，即係買杯黎試下！以為佢藍色就會古古怪怪？其實係波子汽水味來！上面有些白色一粒粒係硬少少的糖，硬落去有點脆，整體味道比想像中好吃很多的，買來影相呃like一流～

再來亦係新的展區介紹，今次係介紹企鵝由出世到成長的資料，可以睇下企鵝蛋幾重咁。然後就會到水母區，牠們的游泳姿態很優美。

水母區之後會來到北極區，話說因為大阪海遊館不久之前派出左兩個潛水研究員去北極圈嗰邊進行研究，所以帶咗一啲係極地生活嘅海洋生物返來，係全日本第一個水族館派人去的。除了展出北極海洋生物之外，亦有介紹當中的艱難之處和如何去克服，值得比一點掌聲佢哋。有些海洋生物真係好像古代時期就已經生存下來的樣子，樣子很奇妙～

然後會來到觸摸區，可以搭一下魔鬼魚和鯊魚，但事前記得要先洗乾淨隻手。近出口位置，又有另一個展區，上次我記得是睇亞熱帶生物，而今次竟然變咗睇一啲樣貌好奇怪嘅海洋生物，例如有種魚係有四隻眼、有種魚好似被人壓扁了咁，很趣怪。

去到出口位又係賣紀念品的地方了，走的時候，排隊等入場的人仲多過入場時，好彩早黎咋！唔知下次有機會再來的時候，又會有什麼新嘅野睇呢！

推薦指數：★★★★

抵玩指數：★★★★

地點：大阪府大阪市港区海岸通1-1-10

營業時間：9：30/10：00-20：00（開館時間隨月份不定、最後入館時間為閉館前1小時）

網址：http://www.kaiyukan.com/index.html

入場費：大人2300日元、小童1200日元（持大阪周遊卡或便利店購票，可享有100日元折扣優惠、另外亦提供多種套票優惠，請參考官網）