第5天（星期六，13/5）
行程：大阪一日遊 （大阪1日周遊卡）
今日將會用到大阪1日周遊卡（2500日圓），去的景點包括：海遊館（只減免100日圓入場費）、Santa Maria觀光船、大阪城、HEP FIVE摩天輪，以及今天所有交通費。其實和原本想編排的行程略為不同，主要原因係落大雨和有些少意外，所以行程會略微調動或是刪減了一些景點。起初行程係早上去大阪城+大阪城櫓》午餐》海遊館+Santa Maria觀光船》HEP FIVE摩天輪+梅田藍天大廈 空中庭園展望台+Joy Polis Wild River（類似模擬激流的機動遊戲）和晚餐，結果當然係爭很遠，下面會詳細解釋。
一早出門口已經落住大雨，第一時間就左落Namba Walk到行去地鐵站，順便搵地方食早餐，最後搵左一間叫Cookhouse（按名食評）的麵包店，食左好多個麵包做早餐。而因為太大雨既關係，所以決定唔去位於戶外的大阪城一帶，轉移決定去天保山一帶。
去到天保山就參觀完全係室內的海遊館（按名介紹），唔知係咪落雨再加上星期六，所以今日係特別多人。因為有用到周遊卡，所以入去參觀可以減100日圓，裡面係很多東西可以慢慢看的，所以一看就是個幾鐘頭。去完海遊館之後，就諗住搭Santa Maria觀光船，就正正係海遊館紀念品部旁邊，但就距離上船時間還有大半鍾，所以去左隔離個天保山商場行左一陣。
到夠鐘就返去準備上船啦，而雨亦已經停左。整個航程需時45分鐘，周遊卡已經包左上船的費用，主要係遊大阪港一帶的景色，中途還會經過環球影城。好彩有帶外套，因為開船坐係上面都幾大風，整艘船都古色古香，四圍也是打卡的好地方！
落船之後就返左去道頓堀一帶午餐，原本想去食味乃家大阪燒的，但實在太多人等！咁就係去左試下個世界で２番めにおいしいメロンパンアイス（按名食評）蜜瓜包先，然後就轉移去左千房（按名食評）食啦，就係這個位出了點意外。原先已經食完就行左去地鐵站，係月台等等下車母親先發現漏左副眼鏡係餐廳到！但行返去都要一段路程和時間，加上相信日本餐廳應該會路不拾遺，所以決定照去大阪城～
去到谷町四丁目係9號出口，就慢慢行過去，好可惜城櫓係早收一點的，去到售價處都已經關門了，冇緣一看，唯有等下次啦～然後就繼續行入去，都好多遊客上去大阪城參觀，大阪城入場費亦已包括在周遊卡內，裡面有個位畀錢可以借衫和頭盔cosplay影下相，出返黎都接近入黑。
參觀完就返去拎返副眼鏡，然後再搭車去梅田一帶。去左阪急百貨公司買手信，然後就行過去HEP Five商場，但也知道這邊很大很容易蕩失路，所以都要問一下人怎行。跟住就搭摩天輪啦，車速好慢～原本想玩嗰個Wild River既機動遊戲，但因為母親話不玩所以就作罷～
然後去函館函太郎（按名食評）食迴轉壽司做晚餐，新鮮好味又抵食！食完出返商場又開始落雨，所以就冇去到個展望台，轉為返酒店休息了。
是日總共海遊館扣左100日圓+觀光船1600日圓+大阪城600日圓+摩天輪500日圓=2800日圓+一堆交通費（估計2000日圓左右），而1日周遊卡只需要2500日圓，所以是非常化算的，要去觀光景點就要一定用佢！
「立」即去旅遊Youtube channel、Facebook專頁、Instagram、Pixnet：
Youtube Channel：https://bit.ly/2scNVfk
FB： https://www.facebook.com/lapstravel/
IG：lapstravel
留言列表
【香港 Hong Kong 】 (4)
