【遊記】Day 4「關西」春日之旅 2017－「立」即去旅行 Lap's Travel

第4天（星期五，12/5）

行程：京都》宇治》奈良》大阪》黑門公寓酒店

昨晚就睡得不是太好，但行程依然如常出發！好彩一出到酒店就陽光普照，然後就行去搭巴士，去到祇園四条站到落，搭京阪電車去今日的目的地—抹茶之鄉：宇治！落到車站都幾大，見到有間麵包舖，原來係好耐之前介紹過的Sizuya，前面又有幾張枱，所以就買左個包坐低慢慢食做早餐。會搭2號月台，然後去到一個叫中書島的站轉車去宇治，車程就大約半個鐘。

去到宇治站，基本上架車都已經冇乜人，係一個比較寧靜的市鎮。車站內可以拎份宇治市的地圖，會標示了市內所有景點和抹茶商店的位置，所以務必要拿一份。出左車站後就去今次目標之店：伊藤久右衛門茶房（按名食評），係一間好出名專門吃抹茶野的舖頭。行過去其實唔係好遠，但因為全程都幾曬，所以都成身出哂汗。

ETPH7942

來完潮聖抹茶大滿足之後，首先係過橋欣賞下宇治川的風光，然後就會來到平等院表參道，兩旁盡是不同的抹茶店呀，而且因為係正值春天，很多花也盛開，色彩繽紛～雖然兩旁很多抹茶店，但現在就不會睇住，而係先行入去參觀印係日圓上的世界遺產平等院（按名介紹），行完先返出來慢慢買。

行左一個鐘左右就出返來開始購物啦，之前在伊藤右衛門茶房嗰邊咩都冇買，因為知道這裡亦有間分店，費事拎住重野去參觀，但現在就不同了，可以盡情買。抹茶類產品超多，由較普通的餅乾、大福、茶粉、茶葉、朱古力、糖、蛋糕，到較特別的抹茶麵、抹茶咖喱、抹茶米酒和抹茶梅酒也有，當中酒類更可以問職員試飲，試啱先買，而且這裡還可以退稅添！

買完一手抹茶產品後，就行去JR宇治站，和來的車站是完全相反方向的，因為今次要搭JR落奈良與母親餵鹿。一出車站就見到指示板，如果要去奈良公園餵鹿的話，行過去就有點遠，所以會去東口出口2 或5搭循環巴士過去。去巴士站前先入左JR站旁的商場，食左個超好食的大佛布甸。

等左一陣就上車，越搭越多人上車，最後仲爆哂！然後去到奈良公園落，開始餵鹿，亦順道慢慢向東大寺方向行去。因為行左咁多路，母親也攰了，所以最後沒有入寺內參觀，只在出面繼續餵鹿仔～

到咁上下就去食午餐啦，去左志津香（按名食評）食奈良名物—釜飯，都要等成半個鐘，味道有點像煲仔飯。食飽就慢慢行向近鉄奈良站，但會首先到側面條街買杉養蜂園的蜜糖，因為關西地區的話，大阪是完全冇分店，只能在京都或奈良找到。其實原先諗住返大阪的話會先去天王寺的，但因為實在買左太多野，所以決定係奈良搭返大阪住宿處放低野先，剛好搭近鉄可以在近住處的日本橋站落。