【手信】「關西」春日之旅手信篇（中） 2017－「立」即去旅行 Lap's Travel

上篇介紹的基乎全部都係以食為主，今篇除了零食之外亦會講下買左咩日常用品，先來講既係係Rinku Preimum Outlets買既3對Nike鞋，平均每對3-4xx蚊，都幾抵買既，而且碼數都幾齊，有時間可以望下；而另一對係Puma X McQ既就真係減左好多，由3xxx減到3-4xx，買來粗著都抵，但碼數就唔係好齊，店內款式亦唔多啱心水，遇啱真係要講彩數～

KOIO8204

然後就到下面嗰堆野，右上角係Porter袋唔多講，上面中間係午餐盒，兩者均購於Tokyu hands；仲有係Coach長銀包同散紙包，全部係outlet買，現場本身折扣左，但職員額外再派張discount卡仔會再折，然後仲可以退埋稅，抵買既！而餐盒下面既係防災食物，係一罐玉子黎既，有4舊係入面，於道頓堀某手信店買，味道其實好普通，唔會似平時日本食既玉子咁甜，亦唔太乾，但唔會話好好食，純粹貪過癮買來試～跟住下面係一包6盒既洗臉酵素粉，洗完塊臉幾幾滑唔會乾，但香港藥房會搵到，而且好像平點，所以唔使日本買～還有件Made in Japan既粉紅色童裝甚平，係天保山既商場買，約港幣1xx，款式多又平又可愛！隔離嗰包係大路嘢買來做手信，係啲朱古力包住粒杏仁，味道唔錯的，係黑門市場買。下面2小包係便利店買既Pablo蛋糕仔，見過香港優品360有得買，價錢都係差不多而且唔係特別好食，所以可以唔理～

跟住要介紹下包茶，內裡據說包含左26款材料的野草混合健康茶，而且是不含咖啡因的，牌子本身來自九州一帶，但我係心齋橋間Tokyu Hands見到做promotion，試飲完覺得幾香就買左，加上價錢又唔貴又大包，沖茶嗰陣可以不停加水，直到沖出來已經冇哂啡色為止，所以係好抵飲，想搵下仲有冇其他地方搵到既話，可以上佢地官網：https://kumamotokeiwa.com/read/tenpo。另外，仲有款得獎蛋糕，一盒3個，係道頓堀買的，佢教係食之前放入微波爐叮十幾秒，但食完覺得冇乜亮點的蛋糕～

接下來是介紹化妝品和護膚品，有獅王出既暗瘡膏，個人覺得效果唔錯，搽完都謝得幾快；Kose出既Eye Shadow顏色唔錯；仲有支係知暫染眉既，標榜用完可以維持三日，但效果其實唔太出眾；另外仲有不甩色眼線筆和液態粉底，好處係搽上臉頰之後推均效果好自然，可以輕易做出亮麗既蘋果肌效果！亦買左支去角質層粒既，但就唔係我用，所以唔知效果好唔好，但呢支唔係間間藥房有，去到心齋橋後點的Uniqlo旁間細細藥房先搵到！

還有買左支噴痱滋既藥，我覺得方便過用痱滋貼，而且抵用點，效果仲非常出眾，用完第二日即刻冇事，用嗰陣想衛生點可以先噴在棉花棒上再點落患處，建議入貨系列之一；然後係噴衫急凍噴霧，啱哂香港夏天用，有陣清新薄荷味，但千祈唔好直接噴落皮膚以免凍傷，涼即時間其實較短，但總好過冇；再到豆乳6合1精華，質地有點似燉蛋咁，萬寧有呢個牌子即豆乳面膜但就冇這種精華，效果都幾補濕；另外還有什麼票選第一位的多效補濕啫喱，補濕能力勁強，質地比較黏，價錢為3400日圓唔算平，但補濕功能比起豆乳更犀利！

POKR0640

DHCC3374

仲有就係一支可以一邊卸妝一邊美白護膚既卸妝水，充滿柚子香；以及由Shiseido出品既蚊怕水，標榜天然成分而且味道超級清香，完全冇平日蚊怕水嗰種難聞氣味，強烈推薦畀大家！還買左sasa都有得買既洗頭水同護髮素，味道其實真係幾香，用完後頭髮仲好柔順，但咁重唔建議托返黎啦～仲有支係新出既冰感噴霧裝既CC Cream，SPF50+同PA++++，但唔建議直接噴落面到，因為以免凍傷皮膚，可以先噴落去化妝棉，然後再搽落塊面到，同樣都有點冰涼效果，而且都幾貼服～

再來就是下面一大堆買畀我的小狗大帝既零食和沖涼液，因為價錢係超值超便宜，係心齋橋某條橫街既寵物店買既，重點係全部made in Japan嫁，即刻要掃掃掃！除此以外，還有wego vintage店（近美國村一帶）買即衫、京都買即御守同京都pokemon centre限定的比卡超公仔，真係連狗仔也收穫豐富！