【玩樂+觀光】東京台場 MORI Building DIGITAL ART MUSEUM: EPSON teamLab Borderless：迷失於光影聲色的世界－「立」即去旅行 Lap's Travel

自2001年成立以來，teamLab既團隊就以結合左互動體驗和投影科技的新型態數位藝術走紅，已經先後係世界各地進行過巡迴展覽，例如最近距離舉辦過的有澳門和深圳，但通常都係展出期限。來到今年2018年6月，這班團隊終於回到自己的國家，在東京台場開設了這個常設展館「MORI Building DIGITAL ART MUSEUM: EPSON teamLab Borderless」，以後只要去開東京的話就可以計劃去遊覽一下，唔使等佢地既期間限定展出啦！

記得來之前要預先上網購票，因為即使就快開幕了半年，這裡的人氣依然有增無減，日日都勁到人！遇上週末假期，真係一票難求，唔想撲空的話就記得較啱日子上官網購票啦！上網買完就將票印出來，入場時只要嘟QR code就得。如果好似我咁，一大清早去完豊洲市場先來的話，只要係市場前站搭返百合海鷗線係青海站落就係最近，一出站就會見到指示牌，只要穿過Toyota城同個摩天輪就會到。今次其實已經係開門前一刻來到，勢估唔到啲人多到排哂落樓梯排到勁遠，好彩條排都算郁得快，大約15分鐘左右就去到門口，聽我朋友說，剛剛11月去的時候，入場要排成75分鐘，真係好誇張，記得要預備足夠時間。

teamLab官網所講「視點不止一個。你會成為中心，藝術作品會跟隨你產生變化」，將藝術同觀賞兩者合而為一，整個館內既作品，都會因應參與者的與周圍環境的互動，而令作品轉變，每一秒間所看到、發生的都會不同。正因如此，館內係唔會有特定路線教大家如何去行，讓參與者自己去發掘，但入面環境昏暗，好容易就會錯過了一些作品，所以如果發覺有遺漏的作品未看而又不會去怎樣行去，記得問一下工作人員。入口處會有儲物櫃，如果有需要可以用。另外，館內係不可以使用任何自拍棍和閃光燈，記得要留意。

一入去既第一個區域係Borderless World 無界，意思即係沒有界限的空間，而我第一個入的進入的作品就係Flower Forest: Lost, Immersed and Reborn，所有既投影都係花，係呢個花之森林入面，這些花是會不斷演變，出現唔同既花，在這個昏暗的花花宇宙，要走去哪裡也不知道，令人迷失於花世界之中。

而係森林入面，當然少不了有動物，例如下面的Chrysanthemum Tiger；另外這森林入面亦有黑白水墨既流動：Reversible Roatation – Continuous, Divided, Black in White，與外面的花花世界形成強烈既對比。

好不容易從花花世界走返出來，然後行入了另一個作品，這個空間係由一束束光所構成，透過顏色和轉動形成不同的狀態，包括：Red People in the Blue, The Haze, Grid Spaces, Light Cave等，配合埋當時既音樂聲效，既像進入了宇宙一樣，但又有點像噴水池那種燈光表演，不過這個效果當然震撼好多。

再來進入的是Memory of Topography 地形的記憶，就像進入了一個小荷葉池一樣，一邊走著窄窄小小的通道，一邊欣賞著小荷葉上面隨著四季變化的投影，時而看見蜻蜓，時而看見河水流動，時而看見秋葉，時而看見魚兒游動，當走過碰到小荷葉，影像也隨之變化，置身其中就像浸浴在四季變化之中。

之後當然係teamLab成名作之一，最知名既The infinite Crystal Universe，透過一支支Led燈束構成的水晶空間，令人感覺置身於宇宙般。在水晶宇宙深處，可以於館內提供的電子屏幕，揀選一些大自然元素，例如火、光、雷、水、風等等，去控制水晶宇宙所呈現的顏色和音樂，千變萬化。這裡亦係其中一個最多人的空間，要拍到一張冇人在後面的照片是很困難，但換轉角度看，看回有那些人的黑影構成的相片，完全不覺得突兀，反而呈現出來的變化，正好乎合返美術館的宗旨，視點不止一個，每一個人也可成為中心，成為藝術品的一部分，是一件會因為人的加入，人的互動而變化的藝術作品。

跟住係Cave Universe 洞窟中的宇宙，在不規則的空間中看著宇宙影像變化，看著看著竟然有點令人迷糊，所以要轉去下一個作品。

這個最大的空間叫Universe of Water Particles on a Rock where People Gather，是人氣作品！中間有模擬的巨石可以爬上去，後面則是瀑布往下流和花朵的變化，當瀑布打到石頭上或是人企在瀑布下，就會出現沿著人或石頭而分潵開的水流。幸好雖然現場人好多，但好像也沒有人爬上去，所以好快就拍到張照。

Forest of Resonating Lamps 燈之森林係成個美術館最受歡迎最有人氣的作品，亦係我今次來到唯一一個要排隊，等左廿幾分鐘先入到去既作品。一邊排隊係可以望到入去，但入到去會發現原來剛剛看到的是單面鏡，入面完全是看不到外面的，加埋地板都是鏡，配合埋利用了很多會變色的大型燈泡構成的作品，就像置身於一個大型的放天燈晚會。參觀時是有時間限制的，大約三分鐘左右，然後就會被工作人員「邀請」出去，想再入去就要重新排隊。

係外面排隊嗰陣見住啲燈會轉色，每次也會維持好一陣子，會遇上什麼顏色就真的是運氣，有綠、黃、藍、橙、紅等等，一開始差不多到我的時候，竟然是紅色，紅色拍出來效果不是很好，幸好一入去無幾耐，就突然變了紫色，最後仲混合了橙色，畫面變得靚好多了！

睇完天燈之後來到我認為係全館最暗的藝術作品區域之一（另一個是之後的喝茶區），叫作Infinite Transparency 無限之透明，入明係一塊塊玻璃，上面做一些投影，這邊人氣比較低一點，冇咩人行，而且效果不太突出，反正外面有些行走的動物影像還更有趣，叫作Walk,Walk,Walk: Search, Deviate, Reunite。

來到呢到已經行左差不多三個鐘，係時候抖一抖。EN Tea House 幻花亭，佢最特別既地方係你要進入一個黑暗中的茶室去品茶，花朵會投影在你手上那碗茶，一開始花朵會在慢慢茶碗中綻放，當你移開茶碗時，原先的花朵會散落，然後重新在你的茶碗中再度綻放，就像無限宇宙中的花朵，花朵的生命不斷循環，感覺很有詩意和玄味，同時亦居有很強的視覺衝擊力。至於味道，今次的是凍柚子綠茶，味道就一般般，還是欣賞它的美比較好一點。（P.S. 品茶是要額外付錢的）

抖左一陣就繼續行，差不多去到最尾一區 Athletics Forest 運動之森，呢區係要動起來的一區，旁邊還可以借運動鞋。一入來這區第一眼就會見到Multi Jumping Universe，即係跳彈床，而側邊就有滑梯。行入少少就係Weightless Forest of Resonating Life，就像一個個不同大小的無重力的飄浮波波，只要用力一推一拍，顏色就會變化，然後顏色就會跟住一個個波傳開去。最後玩的一個係Aerial Climbing through a Flock of Colored Birds，就是踩上一條條繩繫著的平衡木，運動量會比較大。