「立」即去旅行 Lap's Travel

上一次來到鳥取縣就只有去境港市那邊的水產海鮮市場，今次在鳥取市這邊，見去完砂丘後還有時間，加上賀露港就在附近，搭巴士過來也只是十分鐘左右。這裡亦是很多當地居民假期回來遊玩的地方，所以除了水產海鮮市場之外，還有螃蟹博物館(かにっこ館)和農產市場，好像也有很多東西可以看，加上香港人出名喜歡逛海鮮市場，當然唔可以放過這個機會，所以就過來逛逛。

下圖就是三者主要分佈的位置，全部也只是在旁邊，如果搭巴士來的話，一下車轉過彎就到。

入到海鮮市場，遊人並唔係好多亦唔算好少，可能是因為下午時間來到吧～而且氣氛都唔算好熱烈。場內見到最當造的海鮮，包括松葉蟹（有冰鮮的、也有用水養住的活蟹）、紅楚蟹、猛者蝦、魷魚、魚等等，價錢好便宜，但論新鮮程度，個人感覺上覺得唔夠之後幾日去境港那邊水產市場看到的海鮮般咁有光澤和活力。

遊客可以喺市場內自選海鮮，再帶到用餐區慢慢品嚐，部份海鮮可以作刺身食用，不過我因為覺得海鮮嘅樣唔夠靚（因為下午才到這裏），所以最後冇係到用餐。另外，如果是打算找一間海鮮餐廳吃飯而不打算在海鮮市場內用餐的話，這邊亦有一間叫純陽亭的餐廳。

睇了一陣都冇咩心水，就過了旁邊的螃蟹博物館(かにっこ館)看看，因為係完全唔使錢入場～鳥取縣因為蟹的捕獲量超多，連官方都把自己叫做蟹取縣，而這個博物館最主要就係展示了不同的螃蟹。館內設有體驗區，遊客可以親手觸摸水槽內的海洋生物，既可以教大家如何愛惜海洋生物，又可以等大家了解到更多的海洋生物習性。今日來到的時候，真係超多小朋友，個個都圍住個水槽玩得好開心。

然後四圍行行，有超大的蟹標本、有活生生的松葉蟹、一些超迷你小蟹、蟹化石等等……

仲有日本現時發現過全世界最大的活松葉蟹，佢嘅體積超巨型，淨係個蟹蓋都大過我個頭！

當然唔少得就係上晒報紙和新聞，身價高達200萬Yen，屬於「五輝星」的松葉蟹（「五輝星」係指最高級的松葉蟹既標準，必須符合五大條件：甲殼在13.5厘米或以上、重量至少有1.2公斤、爪腳齊全，形態優美近乎完美、顏色鮮艷有光澤、蟹肉飽玩結實，準則由專家評定），佢絕對係王者之中的王者！

螃蟹博物館(かにっこ館)唔係好大，大約行了30分鐘，就去了農產市場。其實這是一個縣內最大型農地直送的超市，只賣鳥取縣生產的食材，有鳥取米、二十世紀梨、大榮西瓜和超便宜的鳥取牛，所以有好多當地人會來入貨掃貨，至於遊客的我，則只有行的份兒。

整個賀露港區域，個人覺得都算有東西可以看看的，不過就比較適合當地居民多一點，如果順路來的話就可以，但要專程搭車或者自駕過來的話，就要考慮一下了。

推薦指數：★★☆

抵玩指數：★★★☆

地址：
海鮮市場：鳥取市賀露町西三丁目27-1
螃蟹博物館(かにっこ館)：鳥取市賀露町西三丁目27-2
農產市場：鳥取市賀露町西三丁目323

營業時間：
海鮮市場：09:00-17:00
螃蟹博物館(かにっこ館)： 09:00-17:00（最後入館時間16:45）（逢星期二休息）
農產市場：09:00-17:00

價錢：費用全免

網址：
螃蟹博物館(かにっこ館)：https://www.kanikko.jp/  (詳情請參閱網站😃)
農產市場：http://www.shokunomiyako.com/  (詳情請參閱網站😃)

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel