【觀光】東京晴空塔Skytree：全世界！全日本！第一高的電波塔！－「立」即去旅行 Lap's Travel

來過東京好幾次，差不多每一次都有來到押上的Tokyo Skytree 東京晴空塔下面既商場Solamachi，但每一次都因為各種原因而冇上過去，例如天氣太差而能見度太低、人流太多要等好耐等等，所以今次決定無論如何也要上去Skytree一次！於出發前，已經係香港既日航天地預先購買了指定日子的入場券，預約入場券時，其實可以揀350米同350米+450米的，後者價錢HK$230，但因為不確定當日天氣狀況如何，決定到時現場先購票450米的，而且現場買較便宜(1030日圓)！至於350米的，幸好有預先購票，現場是超多人即場購票的。如果預先購票的話，優點係避免人潮排隊，而且不限時段入場，但缺點是遇上天氣不好也沒有得更改，所以真的視乎各位的行程安排。

Skytree的高度為634米，是健力士世界紀錄之中世界最高的電波塔，而以建築物來計算的話，高度則僅次於杜拜既哈利法塔（828米），以日本這個常常地震的國家來說，要建築這樣巨大的建築物而做到䇄立不倒，真是一件很不容易的事。由2012年開幕到今年，終於邁向第6年了，第一次來的時候是準備踏入一週年紀念，到現在已經過了5年，時間真的過得很快。

從商場走出來，見到skytree吉祥物晴空塔妹妹，向著塔的方向行，入口處就在塔的底部。雖然已經一早係香港預訂了門票，日航天地會列印了電子版出來，但來到的時候，還是需要去櫃臺換領返實體票先可以上去，不過換票條隊就唔係好長，基本一去到就已經排第一，反而現場購票就打哂蛇餅。另外，無論係售票處抑或是350樓層，都會有個指示牌講返是日既能見度，在能見度高的日子更有機會可以遠眺富士山！（但我這天沒有看見）

拎左實體票後就可以去排隊搭lift上去啦！由4樓既入口處搭上去到達的是350樓（350米），要再上去450樓的就需要在350樓層購票。340至350樓層叫做天望甲板（340層是搭lift落去，350層是搭lift上來）；至於445到450樓層就是天望回廊（450層是搭lift落去345樓層，445層是搭lift上來）。電梯有4架，分別以春夏秋冬做主題，但唔好彩地，我上落都係搭中左秋季做主題。4樓去350樓搭電梯上去只係需要約50秒！老老實實，其實本人係有嚴重既畏高，要搭上咁高係有少少淆底，好驚部lift會浮浮下震震下有離心力，但出奇地，部lift竟然係超穩定，完全唔似搭緊上咁高，加上部lift都幾靚，望多兩眼就不經不覺已經到了。

如果要看哂日景和夜景，就記得預定接近黃昏時分來到啦～一開lift門就見到好多人，不過好彩樓層空間都很大，要走近窗邊也不是一件困難的事。

350和450樓層的展望台，亦會定期做唔同主題既展覽，而這次既主題就係skytree 6週年聯乘where is Wally，所以現場有好多wally既佈置，當然唔少得有賣wally產品的手信店（在450樓層），由展望台望出去看著細小的景物，確定有點像找wally的感覺。

慢慢地望著窗外，由日景到黃昏，再由黃昏到夜景，城市的燈光漸起，特別是看著東京鐵塔亮光，真的是一件很美的事，情侶來一起看的話，會是一件浪漫的事。

圍著一圈走完之後，見這天的天氣也不錯，所以決定移師上450樓。搭lift去到445樓，再沿著回廊慢慢走上去，景色和在350樓看到的，又變得不一樣起來，而且450樓的遊客係少好多好多。不過，有一點美中不足的是，無論哪一層展望台也好，玻璃窗的反光程度很強，尤其一些wally佈置打了燈的部分，要拍一張靚靚夜景照片也不是一件容易的事，唯有親身感受親身看，把美景留在心中。

除左觀景外，Skytree還有好多野可以做，例如展望台當中有好多電子屏幕，會顯示出東京都內不同的景點，可以慢慢找找看對照返；340、350和440層有提供拍照服務，會用職員相機拍一張，之後可用自己相機讓職員拍一張，喜歡職員拍的又可以購買來作紀念；345層有屬於skytree的郵筒，在這裡寄出的明信片會有skytree專屬的紀念印章；在340層還有可怕的玻璃地板，可以企上去挑戰一下自己的膽量；最後當然唔少得全新推出既Skytree Terrance tours啦，唔使再隔住玻璃，走出晴空塔既平台，可以近距離欣賞skytree的鋼架，在155米樓層感受城市吹來skytree的風，但記住舉辦日子、時間和名額是有限，有興趣記得先去購票處報名和預留多點時間。（去完skytree之後先開始有的活動，冇得參加試一下，有點可惜呢）

*部分圖片取自官網

參觀完skytree返落黎，仲有啲參照skytree 整成的藝術品，當然唔好唔記得行下個商場，食返杯雪糕，下面這間叫東毛酪農63°c的牛奶雪糕，奶味係超超超超濃超香醇又唔會過甜，口感超超超超滑，連下面個竹炭筒都超脆超香，咬落去仲會食到一小粒一小粒既芝麻，超有誠意！兩者配合一軟一脆真心正！十個推薦！推薦指數：★★★★★ 抵食指數：★★★★★ ，想睇下邊到有分店可以去官網：http://www.milk.or.jp/63.html