【美食】東京銀座 Ginza Noodles むぎとオリーブ拉麵：上過米芝蓮推介！又上過電視既日西fusion拉麵－「立」即去旅行 Lap's Travel

平時係日本食開既拉麵通常都係豬骨湯、醬油湯、魚介湯、味噌湯嗰啲，但今次食既呢間Ginza Noodles むぎとオリーブ拉麵，完全係畀左我另一種拉麵既體驗，佢地既湯底係花蛤湯，而拉麵和平時的也是不同，這裡用的是蕎麥製的拉麵，成碗麵同餐廳既裝修都充滿著歐陸色彩，最重要的是這間拉麵店更係連續2年入選過米芝蓮推介，係一間超人氣的平民食店，而且仲剛剛上過無線電視《X遊東京》被介紹，相信之後會有更多既遊客和食客。

來到的時候剛好未有人排隊，然後就好似平時啲拉麵店一樣，係自助售票機買票再遞給拉麵師傅。剛買完票坐下來，後面就即刻有人排隊，真好彩呢。現場所見，有好多女生都獨自一個來這拉麵到光顧，真不簡單，要知道在日本人心目中，拉麵店就像男生才會去吃的粗豪東西，很少會見到單獨的女性光顧，我想這店的裝修風格（看著門口就知道是行歐陸可愛風格）和拉麵味道，應該是令人覺得親切、可愛和細緻吧。

除左拉麵之外，這裡亦有提供沾麵，基本上唔同既組合都係離唔開雞肉同花蛤。今次試左特製雞．煮干．花蛤既拉麵同雞．煮干．花蛤既拉麵，兩者分別在特製的會分別再另外加上一些雞肉、豬肉叉燒和半熟蛋。

試一啖湯底，比平時食開既拉麵來得溫和好多，唔會太鹹，味道濃郁得來又帶一點清新；麵質和平時吃到的有點分別，麥香味重一點；至於雞肉和豬肉叉燒，據說是用低溫烹煮，所以吃起來很軟身，吃起來雞很有雞味，有像平時的白切雞軟身版，不過就唔算好滑；豬肉叉燒情況一樣，食起來好軟身帶點咬口，但未算好出色；花蛤是用三重縣桑名市每日捕獲的，吃起來很鮮甜而且冇沙，很少吃拉麵時會配花蛤肉來吃，很有新鮮感；粉紅色打結的是魚糕，白色的是淮山，兩者一軟一爽口，而且會吸收到湯裡的精華，放進拉麵到吃完全不覺得有違和感。