「立」即去旅行 Lap's Travel

（1）金子半之助（按名食評）之前也有介紹過，但上次介紹的是日本橋的正式店舖，今次要講的只是位於Food Court內的其中一間舖，同樣都係金子半之助，黎到Foodcourt的話水準會唔會有所下降呢？始終Foodcourt是快功出快貨，如果可以保持到水準，那以後真係可以慳咁啲時間。基本上食物就和之前在日本橋點的一樣，都是天丼（天婦羅飯），我亦另加了味噌湯。點了菜後，就會有個提示器，到出餐就會響起叫你拎餐。

每次去到日本也很喜歡試早餐類食店，因為可以係悠閒的氣氛中食早餐可以令人在平時忙碌中好好充電，這種餐廳的氛圍特別適合於旅行，好的第一餐就是每一日好的開始。在日本已經接連試過好幾間的朝食類餐廳，例如Eggs’ n Things、Sarabeth’s和Cafe Kaila（按名食評），今次就終於輪到有「世界第一早餐」美譽的Bills。

在日本食日式化了的西餐，有時候會遇上驚喜的，因為日本人的細膩用於西餐上往往有出奇不意的效果。來到Skytree搵晚餐的時候，看著那餐牌動人的價格、食物模型引人入勝的賣相以及那寫著1966年歷史的招牌，所以決定試了這間洋食屋銀座グリルカーディナル。

來自紐約的Sarabeth’s有「朝食女王」之稱，朝食種類之豐富令佢在日本充滿著人氣。除此之外，因為本身佢係由果醬起家的，所以果醬也是超人氣必試項目。而其中一款「法式吐司」更是這裡的皇牌項目，我今次就是因為這吐司而慕名而來。雖然佢開9點，但因為佢置身於Lumine百貨公司之中，而百貨公司冇咁早開，如果11:00前來到的人是需要在下圖的位置上去Sarabeth’s。

伊達の牛たん本舗是仙台著名的牛舌定食店，除了餐廳外，官網上又有很多佢間舖所出的產品。本人其實從來不吃內臟的，我也不知道牛舌應否介定為內臟，總之就是比較抗拒，在香港從來不會主動食。從網上資訊得知日本的牛舌是做到非常軟稔的，不斷搵資料下，最後來這裡決定試一下日本人牛舌。

茶寮都路里其實之前已經介紹過，不過當時光顧既係位於京都的總店（詳情請按此），而今次幫襯既係位於東京站大丸百貨的分店，價格會稍微比京都店貴少少。無辦法啦，始終東京店係位於上流太太留連既地方。

無論有冇去過日本築地市場的人都知道，這裡是分為場內市場和場外市場，當中場內市場基本上每一家食店都是大排長龍的人氣食店，很多人清晨時份去排，動不動就要排幾個鐘，情況更越來越嚴重。基本上壽司大我已經吃過2次，大和壽司也吃過1次，對於場內市場也已經心滿意足的了，所以今次決定瞓飽先出發，並轉投到場外市場鮨國的懷抱。

俺のフレンチ係俺の集團其下的食店，俺の即係我的而後面既係代表不同即菜色，我今次介紹同幫襯的是法國菜，佢仲有意大利菜、西班牙菜、日本菜、燒肉等等，甚至香港都有分店（香港嗰間暫時係主打日本菜）。佢係一間超級人龍店，基本上walk-in的話，有位機會是很微，所以勸予各位想食的話記得先上網訂座（要填電話地址我通常填當地下住的酒店）。

Dominique Ansel Bakery其實周不時都會係Facebook上面睇到佢既宣傳，佢地既出品成日都好震撼眼球，其中一樣係期間限定既半枝粟米配上粟米軟雪糕，不過我今次黎到就已經冇左。雖然冇得食粟米雪糕，但佢其實有3樣野都係鎮店之寶：牛角酥冬甩、朱古力牛奶杯同燒棉花糖，而我今次試了後兩者。

2018年2月更新：

ZakuZaku係原宿竹下通經過的話係一定會見到的，有售賣泡芙和軟雪糕，不過這間店所出產的泡芙和我們平時所見圓形的有所不同，外型唔算太討好，凹凹凸凸咁。

新小岩並唔係東京旺區之一，呢到冇咩特別景點，不過就竟然有間拉麵店長期係日本有openrice之稱既tabelog高據4分以上（高過4分基本上係好好食類別），更係東京最高分添佢就係麵屋一燈，而且佢更於台灣開左首間海外分店。來到東京，即使係咁偏遠，都要黎呢間元祖店店拜訪一下啦。

山形牛一頭買ぃ 牛兵衛草庵燒肉故名思義即係代表成隻山形牛買了下來，這樣做的目的就是一些比較刁鑽的部位也較容易吃到，而更重要既係可以用較平實的價格賣畀食客。要知道食和牛可以好貴，而我呢次黎到因為比較晚（爭半個鐘就Last Order，因為去迪士尼去到好夜），所以人唔係好多，佢直接畀左間包廂我！！

Chouxcream Chouxcri專門賣泡芙，位於池袋JR站入面，基本上我每日來回酒店都會見到佢，有陣時都會見到微微既人龍，見個日冇咩人排所以就買了2個泡芙食下。

香港首先掀起芝士撻風潮的Bake，在日本佢有一間姐妹團，屬同一集團專賣蘋果酥的Ringo，它在東京有2間分店，而我今次去既係位於池袋的分店，基本上一出池袋JR站（向Sunshine City個邊出口）轉左行就好易搵到。

名代とんかつ かつくら來自京都， 名代的意思就是著名，在日本也有不少分店。我幫襯既係位於新宿高級百貨公司高島屋的其中一間分店。我平時比較少食炸物，但網上看過這店評價不錯，所以就前來光顧，而事實上，這間店似乎非常受外國遊客觀迎，差不多有7成以上也是外國旅客。

這次2016年日本之旅剛到埗的第一餐，就是由這間回し壽司 活美登利開始。它其實是美登利集團的回轉壽司，但價錢卻比起平時美登利餐廳便宜，當然質素會較遜色一點，但價錢卻便宜了一點，視乎個人取向啦。而我今次幫襯的是位於池袋西武百貨的其中一間分店，由西武百貨地下直接搭lift上去，平時是會大排長龍的，但因為我今日來到已經差不多是9點幾，所以當然可以直入啦

2013年第一次來東京的時候，就已經曾經光顧過的了，而事隔一年再來東京，我已經決定了將壽司大再次放入必吃名單，亦是這次唯一上次吃過今趟旅行再吃的餐廳。排隊的時間還是依舊長，人龍依然很長，究竟水準會否依然一樣呢？經歷過前幾天隔離的大和壽司後，相隔數天，就來一次味道比拼吧。

會來這間售賣讚岐烏冬的東京麵通団，最大的一個原因就當然是平，而且據說平常只有四國才吃到讚岐烏冬的，看見這麼便宜的價錢又不是四處能吃，怎會不被吸引過去呢，而且就剛好在我住的酒店旁邊，這店又開得頗夜的，方便想吃宵夜的人。

其實每間日本的百貨公司都會有這樣規模的美食層，由水果、熟食到甜品都會通通找得到。而這次到的是位於新宿中心地帶很方便的小田急百貨公司地庫。基本上會到新宿的人都對它不會陌生的了。這次就先介紹一下在這裡試過的2款甜品店吧。