【美食】台場 Bills 早餐類食品：梳乎厘質感pancakes－「立」即去旅行 Lap's Travel

每次去到日本也很喜歡試早餐類食店，因為可以係悠閒的氣氛中食早餐可以令人在平時忙碌中好好充電，這種餐廳的氛圍特別適合於旅行，好的第一餐就是每一日好的開始。在日本已經接連試過好幾間的朝食類餐廳，例如Eggs’ n Things、Sarabeth’s和Cafe Kaila（按名食評），今次就終於輪到有「世界第一早餐」美譽的Bills。

平時較多人幫襯既係位於表參道的分店，但我今次來的是台場分店（另外在鎌倉附近也有分店，可以睇住海岸食更正！），主要因為會少人啲。不過，因為是星期六的關係，來到還是有人龍，好彩只是排了大約20幾分鐘就入得，唔算等得太耐。

黎到最緊要點的兩款食品，第一款就是皇牌Pancakes：Ricotta hotcakes、香蕉、蜂蜜牛油（1400日圓），以及Full Aussie（炒蛋、吐司、煙肉、烤蕃茄、蘑菇同豬肉腸，2000日圓）。講講第一樣先，上面的蜂蜜牛油因為下面pancakes的熱力而溶得好快，影左一下相已經溶左一半，要影相就爭取時間。跟住就落楓蜜啦，pancakes本身味道帶著微微蛋香和芝士味，食落去口感更係不得了，就像梳乎厘般鬆軟綿密，因為製作過程謹慎，所以對打入去的空氣控制做得好仔細，加上煎的功夫高超，口感才為做到面香內濕潤。