【美食】吃在由布院輕食綜合篇：B-speak、Milch、湯布院金賞コロッケ、 Jam Kitchen Kotokotoya－「立」即去旅行 Lap's Travel

來到由布院，四圍都係特色小食店，可惜的是胃既容量有限，所以能夠吃到的並非好多，除左一餐於由布まぶし心（按名食評）享受了的午餐之外，其餘的都是以小食為主，今次去到由布院就試左以下呢四間著名既食店：

(1) B-speak

第一間要介紹既係媒體上、網絡上都被廣泛介紹過B-Speak蛋糕店，在tabelog大分縣甜點方面排係頭三位，絕對係由布院最有人氣的店舖之一！佢最出名既係蛋糕瑞士卷，由由布院的溫泉酒店「無量塔」生產，基本上如果沒有事前預約好的話，在開店的一、兩個小時內售罄，尤其係細size的版本什至可以係開店半小時內賣哂！據說另一次蛋糕出爐會在下午2點開始，如果係本店買唔到的話，亦可以在JR大分站或者JR由布院之森列車上買到（列車上只有細size原味），詳情可以看官網。

B-Speak暫時只接受電話預約，暫未提供網上預約，官網上寫著要至少預5天之前預約，不過我今次是2天前才於博多酒店拜托酒店職員成功幫我預約到原味和朱古力味細size各一，所以我想如果早2,3天還是有機會博一下的，不然就只好早點在開店前去到排隊。另外，店方亦提供先付款落單後暫存（如果電話已經預約了就到預約的時間回來攞同付款就得），方便客人，等大家可以逛完由布院先返黎攞，非常貼心的服務。

由JR由布院向著金鱗湖出發的話，B-Speak蛋糕店係必經之地，就在湯之坪的分叉路口，而且外觀好易認。店內其實唔係好大一眼睇哂，收銀處後面就係一列儲存蛋的雪櫃，不過除了蛋糕之外，店內亦有些漬物、調味料、朱古力等等售賣，種類很多元化，但個個來到的顧客也是目標一致的：蛋糕瑞士卷。

價錢方面，一整條的大size是1,420Yen、1/3條細size的則是475Yen，原味和朱古力味是同價，綠色包裝盒的原味，啡色的則是朱古力味，包裝盒簡單得來又有一種高級的感覺，賣相精緻很適合拿來送禮。。雖然事前已經電話預約好，但經過時也特登入去望一下，果然除了大size還有少量之外，細size的已經完全售罄。

盒內雖然會附上一小塊保冷劑，但官方建議購買之後就要即日內享用完，因為蛋糕係完全沒有添加任何防腐劑。據說蛋糕係由日本國產麵粉和由布院的土雞雞蛋所製成，由材料、包裝都充滿著由布院平實寫意的感覺。

至於食後感，蛋糕口感好輕盈軟綿綿有蛋香，味道唔算甜；忌廉奶香味都突出，略嫌份量較少，奶油比我預期少好多；蛋糕表面的糖霜曾添了一點甜味和粉粉地既口感。至於朱古力味唔算突出冇乜特別，原味好食點。以吃慣日本甜食的人來說，可能會覺得唔夠甜，整體上都算幾好食，但就沒有傳聞中那樣驚豔，來到吃一下也是不錯的體驗。

推薦指數：★★★☆

抵吃指數：★★★☆

地址：大分県由布市湯布院町川上 3040-2

預約専用電話：0977-28-2066（15:00-17:00）

營業時間：10:00-17:00

網址：http://www.b-speak.net/ (詳情請參閱網站😋)

(2) Milch

上面提及的B-Speak蛋糕瑞士卷雖然味道未如預期般令我覺得驚艷，但這間Milch反而令人滿有驚喜！更厲害的是這間店的半熟芝士蛋糕（Kase Kuchen ケーゼクーヘン）已經連續三年在同一年內於Monde Selection世界品質評鑑大賞和World Precious Auswahl中得到金賞同最優秀品質賞受賞的雙重奬項榮耀！！據說半熟芝士蛋糕中的芝士，所用的牛奶全都是來自湯布院的。

Milch半熟芝士蛋糕有凍食和熱食，而店舖亦有兩間，一間只賣凍的半熟芝士蛋糕，亦有牛奶、咖啡和雪糕等等，人流相對地比較少；而另一間則有齊凍和熱的半熟芝士蛋糕，還有布甸等，人流就多好多，兩店相距只有幾步距離，凍食和熱食兩者同價一樣是120日圓一小個。廚房是開放式的，可以從外面玻璃櫥窗望入去，看看半熟芝士蛋糕是如何製成的；店內不大，好多顧客都係買完就企係店旁的大空地享用。

來到的時候剛好沒有人就直接入內購買，買完的時候人龍又即刻出現～還好雖然顧客比較多，但目測每人排隊兩三分鐘就買到了。另外，熱的半熟芝士蛋糕不設包裝禮盒，凍食的就有。除左熱的半熟芝士蛋糕，亦購買了望落好滑的布甸一樽。

入口微暖表面香脆，中層時半凝固呈現流質狀態的芝士，底層的海綿蛋糕充滿濕潤度和柔軟感，非常有層次, 整個口腔充滿香濃的芝士和牛奶的香氣，甜度剛剛好，唯一缺點是蛋糕太小，好快食完；至於布甸，食落好嫩滑而牛奶味濃郁，底層的焦糖帶點苦味，整體都夾，但蛋糕太出色，所以難免被蓋過了風頭。

來到由布院的話，Milch的半熟芝士蛋糕絕對係必食小食之一！

推薦指數：★★★★☆

抵吃指數：★★★★

地址：大分県由布市湯布院町川上3015-1

營業時間：09:30-17:30

網址：http://milch-japan.co.jp/ (詳情請參閱網站😋)

(3) 湯布院金賞コロッケ

前面食過兩間甜食小食店之後，就來到這間湯布院金賞コロッケ啦，最出名的就是食薯餅（又名可樂餅）。這間小食店在由布院有2間店，在行去金鱗湖的湯之坪街道上一定會遇到，因為排隊的人都幾多。

因為曾在全國可樂餅大賽中獲得金賞獎而得名的這間店，就連日本電視節目黃金傳說都曾來介紹過！排隊的人雖然多，但等候時間好快，店員密密手不停炸出新鮮的金賞薯餅以應付龐大的顧客量。

薯餅口味都幾多款，有薯仔、章魚、雞肉、蟹忌廉、咖哩、牛肉等，價錢從160Yen至210Yen不等。ㅡ出來到當然食既係最高殊榮兼最受歡迎No.1的 “金賞薯餅”啦！！由和牛赤身、男爵薯仔、洋蔥等一起製作而成，即叫即製，保證新鮮熱辣！

剛剛炸起的一定會酥脆，亦因為即製所以好熱好辣口，食既時候要小心點。內餡是男爵薯仔蓉、超細細粒牛肉碎，和平常吃到的薯餅很像，是口感多了一點鬆軟、綿密，整體未算驚人但是係好食的，而且價格相宜，經過的話可以買來試試吃。

推薦指數：★★★

抵吃指數：★★★★☆

地址：大分県由布市湯布院町川上 1079-8

營業時間：（冬季12月-2月平日09:00-18:00 ）09:00-17:30

網址：https://tabelog.com/tw/oita/A4402/A440201/44005537/dtlphotolst/4/ (詳情請參閱網站😋)

(4) Jam Kitchen Kotokotoya

最後到的是於1986年創辦的Jam Kitchen Kotokotoya，這間果醬工房一直強調所有的顏色和調味都是用純天然的食材製成。進到店內就是琳琅滿目的果醬，從基本款的藍莓、士多啤梨、柚子、蘋果、梨、無花果，到較特別的紅蘿蔔、南瓜口味也有，總類高達22種！

對於有選擇困難症的人來說應該是一個很大的挑戰，但不用怕，店家有提供試食，枱上放有一塊塊細細的餅乾，將果醬塗上去，一啖就試到自己所喜愛的口味。果醬有大樽同細樽之分，細的由600Yen至到700Yen不等，大的由1200Yen到1350Yen，由於是完全天然不加防腐劑，所以賞味期限非常短，而且開左之後請盡快食用。最後，鑑於食用時間太短，只買了兩樽細果醬回去，分別係士多啤梨同無花果，細樽的塗麵包，大約吃到6至7次。