近年來在香港常常見到鳥取縣觀光局的大力宣傳和推廣，無論係大自然風光、文化定美食，都與日本的大城市好似東京、大阪、札幌、福岡有種截然不同的感覺，特別係那個獨特的鳥取沙丘，全日本只有唯一一個，又對住日本內海，再加上近海和四處都係山，造就了各式各樣我最喜愛的海鮮、水果和乳類製品（特別係蟹、梨和大山牛奶），以及兒時回憶鬼太郎作者的故鄉（另外還有柯南），在一個這麼小小的縣卻擁有這麼多豐富的寶藏，就這樣對鳥取留下了一個不錯的印象。整個鳥取縣基本上可以分為三個市作為最主要的遊覽基地，分別係鳥取市、倉吉市和米子市，因為是第一次到日本比較鄉郊的地方，所以只安排了四日三夜的行程，而事實上鳥取縣可以玩的東西比我想像中多，基本上每個景點也值得花上2小時以上的時間慢慢欣賞，再加上要遷就交通時間（每個市穿梭時間大約需要40分鐘至1小時左右），所以每天通常只去到2個景點，有些景點難免今次未能去到，希望下次會再有機會再來。對於沒有自駕遊的我來說，在鳥取縣只能夠完全依賴公共交通工具，所以事前做了大量資料搜集，才能夠令行程得以順利進行而又不用好像趕checkpoint咁走馬看花。去完之後，雖然已經是大肆宣傳，但始終是比較鄉郊的地方，購物地方少所以遊客相對地也比較少，雖然香港航空現在已經有直航來到米子空港，但香港遊客也並非常常見到。鳥取縣是一個比較寧靜的地方，如果去得多人多的東京、大阪、京都，不妨試試去鳥取感受一下一個不一樣的日本（我去完之後真的超喜歡）！
大阪《 》鳥取
上文提到香港航空有直航到米子空港，但我今次並沒有用到這種方式去鳥取，反而是從大阪那邊過去。如果要從大阪去鳥取，可以揀搭JR或是搭日交巴士，JR大約需要2個半鐘而日交巴士就3個鐘左右。而其實本來我今次旅程來回都應該係搭日交巴士的，因為日交巴士現在到明年三月三十一日（暫定）推出了外國人限定優惠，每程只需要1000日圓！真係超級化算，而這個亦是我今次旅行決定到鳥取的原因。但可惜既係……今次旅程原本搭車嗰日撞正本年度打去日本的最強颱風蘭卡的翌日（其實這日好好天有陽光，所以以為會冇事），去到上巴士的難波OCAT巴士站發覺當日所有巴士都停駛了！！！連第二日也不知道有冇車！但係我已經訂好左3晚酒店同餐廳，而且又買左山陰岡山JR 4日Pass，所以當下第一時間職員就叫我去落兩層既難波JR站問下有冇車過鳥取。
巴士站位置：去到OCAT中央位置先有電梯搭上去位於二樓的巴士站
JR難波站：
一開始時，我其實先走入去售票處排隊問的，但因為很多人排隊問，我就了去閘口問職員，但他也不清楚所以叫返我入售票處問，呢個時候突然有位日本人聽到知道我要去鳥取，就很熱心幫手問職員，又上網check同㩒下部售票機，同時間在大堂中央位置，剛好有位來自台灣的職員，專門幫旅客解決問題和作翻譯來幫助我們，最後發現在大阪站係有車出發到鳥取！但因為這邊是細站，什麼也做不了，再加上買了的山陰岡山4日JR Pass都要係嗰邊兌換做車票，所以就即刻直奔返Namba Walk搭地鐵過梅田搵大阪站的JR位！長話短說，最後買到接近7000日圓的JR車票單程（自由席）去鳥取，而回程決定博一下1000圓日交巴士開返未，回程嗰日再算。其實如果係完全依賴JR行動的話，佢有種山陰山陽7日pass可用，但要19000日圓，不合乎我經濟原則；另一種係關西廣域5日pass，9000日圓就可以去到鳥取，但要去埋米子、境港就要配合我買了的山陰岡山4日pass（4500日圓），兩者總共為13500日圓，一般很多旅客如果大阪鳥取兩邊玩靠JR的話就係用佢。我當下其實也考慮買張5日pass用，咁就回程都搭JR，因為我一程也要7000日圓自由席（指定席多500日圓但已經full哂），但很無奈既係……呢程車雖然都係去鳥取但行駛路程係完全不同（當時好多路段因為打完風封閉了作檢查或是損壞了），張pass覆蓋不到，所以這程單程怎樣也要付7000日圓，加上是日得返兩班車，另一班成夜晚10點幾先開（但有指定度，一定有位坐），職員講明行駛時間會Delay的，考慮到兩班車都會Delay的話，如果再遲一班，到埗就會凌晨，所以還是早一班車出發。
去程：JR
大阪站入閘後，兩張車票要一起放入票機，車上會再檢查車票所以記得袋好，去3號月台第5、6號位就係自由席，有2卡車廂，好彩有早點排隊，否則要企3個鐘！到最後因為Delay所以坐左3個半鐘左右先去到鳥取站，整個人都攰到飛起～
回程：日交巴士
經過4日3夜鳥取之後，上面提到回程未決定點返大阪，好彩最後博一博係成功既，1000日圓日交巴士開通返了，加返之前JR係79xx日圓，比預算中多出了6000日圓，但是是值得的，鳥取很好玩！米子站其實也日交巴士回大阪，但就沒有外國人優惠，所以一定要到鳥取站這邊的巴士站，很容易認得，上車也只是在旁邊，每個小時也會有一班車，我坐嗰陣加架車就不full，如果想坐又怕Full可先Email預留位置，不用預先付款。
而行車時間大約一小時左右，就會有中途休息站給乘客去一去廁所，不過附近都幾黑下，食店也關門了，只得自動售賣機，而且有之前千奇百趣介紹過既稻草人，咁黑睇都幾嚇人。而大約2個鐘頭45分鐘左右，都已經返到大阪OCAT巴士站了。
比較：車程時間上JR快過日交巴士，正常情況下JR約2個40鐘，巴士就3個鐘，但也只有20分鐘左右，所以我覺得不相伯仲；價錢方面，如果JR用pass的話，單計大阪鳥取來回就9000日圓，像我這樣單程就7000日圓，巴士外國人優惠就來回2000日圓，絕對大勝；最重要係舒適度，我個人很怕日本交通工具在轉冷後開暖氣會令空氣很不流通很焗，JR就絕對存在這個問題，再加上列車常常搖搖下，真係焗到頭痛又搖到頭暈，而且座位窄點，腳伸展空間爭一點；反而巴士就舒服好多，因為架車的窗可以自己打開，為免影響其他人，我也只開了一條好小的隙位讓少少空氣流入來，所以冇咁焗，但因為巴士不full，所以乘客是隔一排隔一排的坐，座位也比較闊像按摩椅般可以調整座位，又有wifi，所以舒適度又係巴士大比數拋離！至於沿途景觀，因為兩次都係入黑先搭，所以基本上真係全黑，街燈都冇乜，全靠車頭燈，兩者之間冇得比較～綜合來說，個人建議大阪鳥取來回搭巴士，真的令旅程也變得舒服起來（在巴士睡得很好：））～
日交巴士外國人優惠網址：
http://www.city.tottori.lg.jp/www/contents/1492568317584/index.html
詳盡時間表：
http://www.nihonkotsu.co.jp/bus/highway/course/tottori-kobe_osaka.html
Email：h-bus@nihonkotsu.jp
鳥取當地景點交通
今次鳥取4日3夜除左第一晚好夜先到鳥取而留宿在鳥取，基本上我路線係鳥取》倉吉》米子》境港》米子》鳥取，亦即係由右至左再至右的路線，而由於我並非自駕遊，鳥取的交通很多班次亦很疏落，所以每日編排的景點都係得2-3個，每次逗留2-3個小時什至更多，可以慢慢感受而唔使走馬看花，同時亦要抓緊班次，例如JR和各個景點的接駁巴士，由於景點很多但時間有限，所以只能夠留返下一次再來，以下先講下有什麼主要景點我係今次有去（刪左即係未去）：
鳥取市：鳥取沙丘、沙之美術館、浦富海岸、仁風閣、白兔神社、賀露港
倉吉市：白壁土藏群、三德山三佛寺（最危險的國寶）、三朝溫泉、二十世紀梨紀念館、青山剛昌故鄉館（柯南博物館，位於附近的由良市）
米子市：大山（大山牛奶之里、鳥取花回廊、桝水高原、植田正治寫真美術館、大山牧場、森之國、大山寺）、和菓子之都壽城、皆生溫泉
境港市：大漁市場中浦、境港水產直賣中心、水木茂紀念館（鬼太郎博物館）
基本上首先要搞掂四個市鎮的移動方法，最簡單就是以JR移動的，係呢到首先要介紹既就係上文提過既山陰岡山4日pass，如果係香港買就4500日圓；當地買就要5000日圓，張Pass我在Klook買並在機場拎兌換券，然後去到關西機場、JR大阪駅駅或JR鳥取駅等等大站到換，呢張Pass係絕對要買！！因為佢真係慳到好多錢，由鳥取到米子單程已經1600日圓，境港米子來回也要640日圓，如果會去埋岡山和島根，就更加化算！這張pass已經包左自由席，大部份時間都唔係幾full的，所以通常係有位坐既，而站與站之間大約需要40分鐘到1小時左右，記得要留意一點既係時間表！因為班次係超級超級疏落同埋最好搭特急，會快好多！而班次方面可以係以下既網址查到：
https://www.jr-odekake.net/eki/timetable.php?id=0640706
https://time.ekitan.com/train/TimeStationList/7/7-1.shtml
解決左城市移動方法，就到每個市鎮內既交通：
鳥取：（1）可以在鳥取駅的觀光中心，有專為外國遊客而設的2000日圓/每個乘客的3小時的士服務，基本上係去到2-3個地方；（2）麒麟獅子循環巴士，一程300日圓，一日券就600日圓，但星期六、日和假期先有；（3）就係我今次使用的方法，因為當日天氣超好，連觀光中心職員也建議我們慢慢玩享受下，不用給3小時的士所規限，所以就係用日交巴士，時刻表：http://www.nihonkotsu.co.jp/bus/limousine_route/route_tottori.html，就在鳥取駅前，亦係搭巴士去大阪嗰到旁邊搭，去浦富海岸就岩美.岩井線（4號位搭），亦會經鳥取沙丘係東口落（遠少少），直接去沙丘就搭沙丘線。其實第1和3兩種方式就各有各好，的士就方便但時間就有規限；自己搭巴士就要搵下路線但時間就自己控制，視乎自己喜好。而如果鳥取縣搭巴士都有3日pass買，價錢係1800日圓，可以去http://www.nihonkotsu.co.jp/information/tegata/index.html睇下，基本上連其他幾個市既巴士都包埋～
鳥取觀光中心：
倉吉：都係日交巴士，今次係市內線：http://www.nihonkotsu.co.jp/bus/limousine_route/route_kurayoshi.html，白壁土藏群同二十世紀梨紀念館都係搭佢（P.S.如果想搭柯南列車就要留意下面時間表）
米子：大山巴士站在米子JR駅前4號巴士站，整個大山就係靠條大山線：http://web.sanin.jp/p/daisenking/1/18/2/，因為佢車資較貴，建議到巴士站買pass（如果冇買巴士3日pass的話），佢有分1日和2日pass，各1000和1300日圓，其實上山和下山一程已經過1000日圓，所以又係要買；而去花回廊就係5號巴士站，http://tottorihanakairou.or.jp/site/page/hanakairou/access/shuttle/，費用全免；皆生溫泉都係係附近搭，可以睇http://www.nihonkotsu.co.jp/bus/limousine_route/route_yonago.html
境港：從JR米子駅走去0號月台就係去境港的境線，不同時間會有不同鬼太郎人物的列車；去到境港駅，如果要去水產直賣市場和水木茂紀念館，建議一係去程搭車，回程行路或是相反，因為都幾遠，http://www.city.sakaiminato.lg.jp/index.php?view=107770，單程100日圓
大致上這些就是鳥取縣的交通資訊，如果不是自駕遊，就主要以JR+巴士，所以其實一點也不難掌握，只要抓緊時間表就不會有問題。至於景點，每個景點花上2-3小時也不是問題，遊客又不算多，加上鳥取真的好好玩，就慢慢享受在日本的慢活時光啦！
「立」即去旅遊Youtube channel、Facebook專頁、Instagram、Pixnet：
Youtube Channel：https://bit.ly/2scNVfk
FB： https://www.facebook.com/lapstravel/
IG：lapstravel
留言列表
【香港 Hong Kong 】 (4)
