「立」即去旅行 Lap's Travel

因為在網上比較少見到詳細介紹鳥取縣既酒店，但網上查看時就會見到來到，大部分酒店也集中於鳥取駅一帶，而今次我所下塌既酒店就是其中之一的鳥取華盛頓廣場酒店Tottori Washington Hotel Plaza，如果搭JR來鳥取的話，係車準備駛入站嗰陣就已經會見到，而出站後行過去都唔使3分鐘，真係超級方便！在鳥取這類比較鄉郊一點的地方，真的強烈建議住在車站附近，因為在鳥取移動主要靠JR，而JR的班次又唔係好密，近車站的話時間就容易預計好多，加上遊覽鳥取市內主要景點的公共巴士，總站也在JR站前面，而且通常車站附近通常會比較旺一點的，像車站對面是商業街和大丸百貨，而車站本身又有一個微型百貨公司連微型超級市場、一些餐廳和鳥取觀光中心，無論搭車、搵食抑或買手信都真係好方便！

至於這間酒店，華盛頓酒店屬於連鎖式酒店，在全日本也有很多間分店，不過這次是我第一次入住該集團的酒店。酒店本身附設左Lawson便利店，無論係街行入去定酒店內去都得，因為係Lobby Reception旁有門入去Lawson的。酒店大堂都幾大，一入門口就見到可以畀住客戴著影相既蟹取縣頭套？！以及一些鳥取的觀光資訊；而旁邊就有鳥取既特產售賣，當然唔少得既係梨和各類海鮮製成的副產品～而再入少少既位置就係酒店既餐廳，可以係到食早餐既，不過今次我既酒店plan冇包加上我很早就離開酒店開始行程，所以就冇入去食。

而房間方面，相對於東京、大阪等大城市，佢就闊少少，但就係少少，不過設施就幾新淨，張床都幾大，而且酒店wifi仲好穩定。而冷氣方面可以自己調較真係要畀個讚佢（因為之後住的米子酒店竟然係冇得較！），床頭有電制位亦係另一個方便遊客的細心位。至於廁所就係典型商務廁所既感覺，冇乜特別～

窗外都冇乜特別風景可言，因為係望住JR站的，不過並沒有因為近JR站而變得好嘈（可能因為車站本身班次就好疏的關係吧），送上一張因為室內外溫差而造成的風景照給大家～總體來講，我個人對於這次的酒店感覺都幾好，整體新淨價錢又相宜，地理位置優越又方便遊客，令人滿意的一間酒店。

優點：地理位置滿分、方便度都滿分、設施新淨企理、價錢相宜

缺點：發現不到

推薦指數：★★★★

抵住指數：★★★★

預定的網站：Expedia

地點：鳥取縣鳥取市東品治町102

Website：http://washington.jp/tw/

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel