「立」即去旅行 Lap's Travel

今次住既米子豐收季酒店Hotel Harvest In Yonago，除左地理位置之外，係咁多次來日本比較不算滿意的一間。先講下佢位置，於JR米子站唯一一個出入口一出，望過去左邊就會見到，而前面係一大堆連接各個景點既巴士站，例如去鳥取花回廊、大山、三朝溫泉等等，都算幾方便；雖然佢冇連住便利店，但行返去JR米子站出口對住會有間7-11同迷你手信店，而酒店門口過兩條馬路就去到大大間既Aeon，加上去境港既話都係係JR米子站搭；酒店行5-10分鐘左右就會到算係佈滿餐廳（居酒屋為主）既街，係地理位置上真係冇咩可以挑剔既地方。

而去到酒店大堂嗰陣，門口都算幾有氣派，有著90年代輝煌既感覺，大堂係連住餐廳的，但幾次經過都寫住關門，仲有一款標榜拎獎既梨忌廉蛋糕。接待處仲寫左拎左唔同既獎，有ANA航空公司、Agoda等等，係呢一刻都仲幾期待，因為四圍格局都幾靚又拎哂獎。

上到房一入去，反差感即刻隨之而來，因為間房地下居然有好大撻污積呀！！見到咁已經即刻扣哂分。而浴室都係一般商業酒店會有即格局冇乜特別～

污積其實唔算係最令人不滿既地方，反而最唔好既係冷氣設備，佢有開關扭大細，咁一入房閒到啲異味，諗住噴完除臭劑再開下冷氣僻下味，加上間房好焗，點知點扭都冇反應，打去畀職員，佢竟然話酒店冇開冇得較！結果係上來開窗，夜晚仲有蚊飛入來添～即使之前鳥取嗰間酒店因為秋天，但都可以略略較下冷氣，但呢間又唔較得又焗又有污積又有異味，我就唔會再考慮啦。

優點：地理位置方便，近巴士站、JR站、Aeon

缺點：地氈有污積、冇冷氣空氣唔流通、房有異味

推薦指數：★★

抵住指數：★★★

預定的網站：Agoda

地點：8-27 Yayoichō, Yonago-shi, Tottori-ken 683-0036

Website：https://www.harvestin.com/c2/index.php

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel