【美食】鳥取境港市お食事処かいがん海鮮食堂：No.1海鮮丼+舒舒服服食紅楚蟹－「立」即去旅行 Lap's Travel

鳥取縣有個別號叫做「蟹取縣」，最出名既當然係松葉蟹啦！但松葉蟹既當造期係每年11月到3月，只有5個月，而其餘時間最主要既就係食紅楚蟹啦！係鳥取縣要食最新鮮既蟹，當然要去到境港這個全日本最著名的漁港啦，今次要去食蟹既食堂係旅遊書或者網上也比較少提及，但當地漁民會當佢係飯堂，係全個境港市海鮮丼排第一，tabelog分數仲高達3.56的お食事処かいがん，連日本雜誌也曾經報導過，位置就在境港水產物直賣中心附近大約5-8分鐘步行路程，食完再去睇/買海鮮非常方便。如果係搭市內循環巴士，會先在境港水產物直賣市場落，但先唔好入去住，沿着馬路直行，過咗個地盤然後向左轉彎。

見到下邊嗰個位，就繼續向海邊行到尾，然後轉右，就會見到一座似住宅多點的建築物，前面擺滿車，如果唔係掛晒啲牌同放左電子牌係出邊，真係唔會留意到。細心點睇，仲發現呢度有得食蟹放題！如果有睇日劇《海女》，就會覺得成日幢建築物個感覺好有類似覺感。

入到去這間海鮮食堂分為兩部份，有普通嘅座位，也有需要除鞋坐嘅榻榻米，由於剛好所有座位都坐滿晒漁民和漁市場工作人員，所以就只好坐榻榻米。由於我來的時候還有幾天才到松葉蟹的解禁期，所以提供嘅一定係紅楚。而餐廳都幾多名人來幫襯過，見到廚房口貼滿晒簽名板。

打開餐牌一看，整個餐牌都係手寫的，充滿着住家風味，驟眼看賣相並非十分吸引，但實物上枱時絕對好看一百倍。海鮮丼種類超多，而飯可以選擇白飯或者是醋飯，但當日只提供醋飯，不過我也沒有所謂，因為我覺得海鮮丼配醋飯更為適合的～而普遍價錢都唔貴，如果係東京築地等地方絕對要貴上幾百yen！另外上文提過紅楚蟹放題，留意返男女價錢是不同的，時間為45分鐘，食到幾多就睇下剝蟹剝得快唔快～

然後就叫左個1900Yen既紅楚蟹丼，成個set包左一碗拆好左肉既紅楚蟹丼、一碗有隻蟹腳既味噌湯、一碗蟹鉗蒸蛋、一個裝滿蟹膏既蟹蓋、少少蛋沙律同漬物，睇見都流哂口水！碗飯望落好似好大碗，其實個底好淺，不過珍珠米食完後都幾滯，而蟹肉食落仲好鮮甜！除左一條蟹腳之外，仲有啲蟹肉係腳之下，基本上真係做到一啖飯一啖肉。

然後係味噌湯，雖然蟹腳吸左湯味但依舊吃落鮮甜，而且佢預先剪定啲位，食嗰陣刮肉出來很容易！而蒸蛋也很滑，蟹肉同樣很易吃到！最重點既蟹膏部分，一大啖一大啖食落去真係齒頰留香超邪惡，而且佢有少少蟹肉，超級鮮甜，老闆娘還教我們可以混落去碗蟹丼到食，蟹肉蟹膏醋飯三者配合得天衣無縫，食完真係大滿足！膽固醇什麼的也不理了～