【玩樂】鳥取境港市水木茂紀念館 + 水木茂之路 + ゲゲゲの妖怪樂園：一遊鬼太郎之鄕－「立」即去旅行 Lap's Travel

鬼太郎、眼珠爸爸、貓女等等耳熟能詳既鬼怪創作者—水木茂，佢既故鄉正正就係境港，由六十年代開始，呢套全名叫《咯咯咯的鬼太郎》既漫畫被多次製作成動畫，廣受日本人嘅喜愛，連日本天皇也曾頒發勳章給他。境港市作為水木茂嘅故鄉，在此設立了水木茂記念館介紹佢既生平事蹟和所畫既漫畫。而為了配合整個市既旅遊發展，市政府更將由JR境港站一路連伸連接到記念館，全長為800米，稱之為水木茂之路，成條街全部都係以鬼太郎為主題既商店和小食店，同時又擺放左各式各樣既銅像。除此之外，連接JR米子站到JR境港站的列車和月台都以妖怪作主題來佈置，令人可以完全投入鬼太郎既世界之內。係JR米子站找去境港既列車，有別於一般既月台，因為是需要去到0號月台通向妖怪既世界！妖怪列車有6種款式，而我今次搭既係星君鼠列車。

JR境港站是好細的，但四圍已經係妖怪了，在站的外面仲進行緊世紀妖怪會議添！這裡連的士和街燈都係妖怪裝飾（眼珠爸爸）。

首先去左既係記念館，記念館在水木茂之路當中唔難搵，門外會寫左當日會有咩妖怪出現和遊客影相，這個紀念館有很多細心的地方，例如廁所嘅標記和坑渠蓋等，而記念館由開館到現在已經有350萬人次來過了！

係門口買完飛之後，可以用QR code嘟一下，然後拎個headphone有語音導覽（不過我冇用到哈哈）內裡有些位置是不能影相的（牆上會有指示），第一個區係漫畫區，展示左水木茂不同時期的漫畫，以及最著名的鬼太郎各種人物的能力介紹和由來，例如眼珠爸爸原本個樣以及佢係為咗鬼太郎而變成一粒眼珠等等，無論有冇睇過呢套動畫或者漫畫，都會搵到有趣既地方。

之後就會去到影立體相妖怪相、作者生前嘅用品（作者曾經經歷戰爭，所以失去了一隻手）、作者去過嘅地方，原來佢差唔多遊走晒世界各地，當中以來香港的次數是最多、還有舊時鬼太郎相關產品嘅地方，超多野看。

去到下一個區域，先展示水木茂生前既畫室，然後就開始進入妖怪世界，有各種各樣嘅立體模型再配合燈光，充滿着一種詭異嘅氣氛，原來佢都設計左好多種唔同嘅妖怪，基本上佢日本每一個縣都設計左一種妖怪，當中的妖怪有好有唔好，但每一個也是精心設計，值得仔細觀賞。

來到最後一部分係妖怪庭園，有一棵過百年嘅赤松屹立係到，再配合鬼太郎係漫畫動畫中嗰間屋和信箱，超有氣氛。出到紀念館門外，就會見到妖怪食品研究所，佢最出名就係用眼珠爸爸外貌整成既和菓子啦（350Yen），買來影相故知然一流，但其實食落口味道也不錯，有得玩又有得食，可以扮吓鬼太郎被眼珠爸爸寄宿咁！

而係記念館旁邊，轉過彎行少少就會去到ゲゲゲの妖怪樂園，裏面有紀念品店、餐廳，但其實整各區域唔算好大，都只是以賣野為主，來到看個圈也無所謂，但不用太多時間，不看也沒有太大損失。

之後再沿住水木茂之路行去JR境港站，沿途真係好多銅像！不過同時間，四圍都係道路工程中，有少少掃了興，好彩每一間商店都活現了鬼太郎的用品，例如鬼太郎著嘅木屐、妖怪饅頭等，都幾有睇頭。除咗商店之外，呢度仲有一處係妖怪神社同妖怪倉庫，神社可以買返個鬼太郎樣嘅御守洗返去，而倉庫好似係鬼屋來（沒有時間去看）。仲有係境港寄出既明信片貴舍會有鬼太郎嘅郵印嫁，係粉絲嘅一定唔可以錯過！