【遊記】Day 4 多Joy多難「鳥取 + 關西」秋季之旅 2017－「立」即去旅行 Lap's Travel

第4天（星期四，26/10）

行程：米子市》鳥取市浦富海岸/鳥取沙丘》大阪心齋橋多米溫泉酒店Dormy Inn Shinsaibashi

最後一日係鳥取縣玩，係時候去看一些鳥取縣最具代表性的景點：浦富海岸和鳥取砂丘，兩者其實喺附近，所以可以一併去埋。要去兩個大景點，當然唔少得又要早起身去搭車（今次係朝早七點），由米子站搭過去鳥取站差不多一個鐘，到步的時候四圍都係冇乜人，只有一些車，真係一個人煙稀少的縣～不過今日天氣好好，係這幾天少有的好天氣，去那些戶外景點剛剛好！

來到時間剛好すなば咖啡（砂場咖啡)（按名食評）開門，就入去食個早餐然後先出發。這一餐可以用四個字來形容：實而不華，簡簡單單的一餐令人感覺到很實在，很配合這天的好天氣好心情～食完之後就返去觀光遊客中心，問一下簡單的資料和交通資訊，放下行李到JR站的Locker，再趁去浦富海岸班巴士未到之前，先去日交巴士總站去拎返今晚回大阪的1000Yen巴士券（好彩已經開返，第一日是暫停左的，現在可以慳返一點），然後就搭車出發。

大約搭左接近50分鐘，終於來到浦富海岸啦（按名介紹）！第一時間衝入去碼頭，剛好即刻有船，所以買好飛之後就即刻衝上船。今次係同一大班日本公公婆婆同一架船，整段船程都搭左差唔多40分鐘，但很值得看的，所以一定要出海看看。不過，出海都幾大風幾大浪，所以記得帶定多一件風褸，如果怕暈浪就記得食定暈浪丸。

返到碼頭之後，距離下一班由海岸去鳥取砂丘的巴士還有一點時間，所以就在手信店和附近慢慢逛下吃下，夠鐘就上巴士。

搭到去鳥取砂丘（按名介紹）大約係11點4，係砂丘東口落，然後就跟住觀光中心職員推介的路線開始行～由美術館、展望台、吊車、砂丘到手信特產店，唔好以為地點好像很少，但因為其實範圍都幾大，影下相又睇下野都差唔多都用左3個鐘先看得哂！但砂丘睇相望落好細，置身其中會發覺完全不同，尤其是望住一望無際的日本海，真的很壯觀！除左行下之外，砂丘仲有玩降落傘、滑沙等活動，不過今次就唔見到有人玩，有興趣的人可以上網看一看。

臨離開砂丘之前，去さんこうえん砂丘店（按名食評）食咗一杯超好味超嫩滑超柔軟的Gelato，佢仲要係用鳥取的特產自家製架，當然唔少得就係二十世紀梨口味啦！然後就搭車返去鳥取站市中心一帶，因為行山砂丘真係好攰，所以一上車就瞓到落車。

落車之後見有點時間先到晚餐，所以就去咗大丸百貨公司逛一逛，順便買咗好多手信，這裏可以搵到大部份鳥取的特產（平時大阪、東京的大型百貨公司比較少見有土產），例如之前見到的梨酒、蟹類副產品、粉紅色豉油等都有，最重要係買夠錢之後可以搞埋退稅（5000Yen，可以所有東西夾埋），搞完一輪之後都夠鐘去今晚晚餐的地方：たくみ割烹（按名食評），食鳥取和牛shabushabu！這種和牛真係好食到令人念念不忘！佢仲要係今年新出爐的日本第一和牛，最近仲出咗一盒以這種牛做的超貴飯盒，成30萬Yen一盒的夢幻便當！買不起這盒便當，但來到鳥取縣係絕對要試這種牛！

食飽左之後，就係時候要搭車返大阪，結束這四日三夜的鳥取之旅，真的有點不捨得，希望下次有機會再回來啦！搭左三個鐘頭巴士，中間會有中途站放乘客落車去下廁所、買下飲料，話說沿途四處都係黑漆漆很荒漠，係架車返到關西神戶開始先多返街燈。三小時的車程很快過，返到大阪之後即刻去嚟緊一連四晚都會入住的大阪心齋橋多米溫泉酒店Dormy Inn Shinsaibashi（按名介紹）Check-in、安頓一下和吃下水果，因為第二天要去環球影城！