【玩樂】鳥取倉吉市二十世紀梨記念館：梨都有博物館？！！－「立」即去旅行 Lap's Travel

二十世紀梨是鳥取縣第一特產，一年產量超過9000噸，是全日本之冠，產量佔全日本一半以上的梨。這種二十世紀梨果皮呈亮綠色，肉白而口感爽甜，咬落去清甜多汁，而之所以叫「二十世紀梨」，係源於十九世紀末，一位農夫的兒子在垃圾中發現了一棵幼苗在無意中種出的，經過專家鑒定之後，認為它會成為下世紀觸動全國的新品種而得名，所以有「肩負下世紀的梨」既意思。而這種梨更厲害到鳥取縣人為佢在倉吉市設立了博物館去歌頌佢，真係威水到你估唔到！

先講下點樣去，從JR倉吉站落車之後，可以搭巴士到下面張圖圈住嗰個站落車（倉吉パークスクエア站），車費就200日圓（當然如果有買巴士pass就已經包括），然後在落車之後，會發覺四圍好像什麼也沒有只得民居，但行兩步就會見到個牌同見到棟很大的建築物，向住這棟建築物行，入面就係二十世紀梨記念館。遊客來這裡的話，只需要出示護照，入場費就會半價，由300日圓變成150日圓！！

館內分為兩層，一入館內，係門口正中央位置，就有一棵超巨型既大樹䇄立係到被玻璃包圍住作展示，其實佢係一棵74歲的老樹，曾經係全日本最大的梨樹，枝幹更長達20米並創下一年結果4000個的紀錄。然後圍住行，會睇到二十世紀梨既栽種方法和週期，佢會用比較互動生動既方式去呈現，有點像科學館一樣頗富教育意義，無論大人定小朋友都會覺得很有趣，例如點樣從外表揀個優秀梨，量梨既重量，學點樣摘梨等。

再行過一點會有些水果頭飾可以戴來影相，然後就係一些以梨為主題的藝術作品以及展示了全球各地近百種唔同的梨子標本，每一件都擺放得像珍品一樣。

然後就到我最期待的試食環節啦！無錯，只係畀150日圓入場費還有得試食！佢每日會提供3款不同品種的梨試食，而我當日試的3款分別係二十世紀梨、優秋梨以及豊水梨，試完之後就可以投選自己最喜愛的一款，呢三款個人覺得最好的是二十世紀梨（所以也吃多了幾舊，哈哈）；另外在試食區亦有梨既食譜可以拎走以及一些梨杯（？）、和超巨型梨展示。

食完梨之後就上2樓，一上到去係兒童區，模仿梨樹和蟲蟲的環境（其實有點核突）。再沿住一路行也是介紹梨既歷史，例如梨既包裝紙和農具等等。睇完上層再落返去，有個位可以出戶外，出到去係一個梨既花園，不過可能已經過左收成期，所以只係見到好少梨，有些仲爛左，有些就比拳頭更大，如果收成期來到，好像還有摘梨既體驗。