「立」即去旅行 Lap's Travel

在全日本咁多個縣之中，鳥取縣在2015年之前，是唯一一個沒有星巴克Starbucks的縣市，因為被評估為開了店也賺不到錢，但這間叫すなば咖啡（砂場咖啡）的品牌卻提供了由鳥取本土出產的優質咖啡予當地居民！當地的知事平井先生曾經有一名言：「鳥取沒有星巴克，但有日本第一的砂場！」，可見砂場咖啡係鳥取縣人的驕傲。砂場咖啡在鳥取沙丘附近設置工場，最特別即係用砂來烘焙，溫度平均令咖啡味可以更均勻，而咖啡則以虹吸的方式沖調較為沉實香濃。

而我今次在早餐時間來到鳥取站前的分店，雖然時間好早（基本上接近開門時間已經到），但裡面已經差不多坐滿人～雖然佢係鳥取縣既連鎖食店，但內裡既裝修好有風格，完全唔似係倒模既樣，令人感覺舒適自在。

咖啡店咁受歡迎，原因係這裡叫一杯飲品就會送一份早餐，兩者加埋只係540Yen咋！而早餐set有三種，有西式有日式，西式既有沙律、厚多士、烚蛋同兩片橙；日式既係飯團、玉子、味噌湯同漬物；還有種係清淡點既係粥，不過我覺得飲咖啡配日式同粥有點奇怪，所以最後都係叫返西式～

好快就有野食來啦，厚多士很香麵包味，食落去超軟熟～塗埋牛油同士多啤梨醬一流，厚厚既兩片食完都好飽，至於沙律、橙、烚蛋都係大路野，不過係新鮮既！然後就到重頭戲既咖啡啦，我不是咖啡專家，所以畀不到什麼很專業的感想，不太會飲出什麼層次的～只是覺得很易入口和幾好飲，哈哈。

另外，在門口位置可以買到砂場咖啡的手信，有咖啡粉、咖啡羊羹和咖啡餅等等，愛啡人士可以買來試試～

鳥取駅前店（其他分店資料詳看官網）

推薦指數：★★★☆

抵吃指數：★★★★☆

地址：鳥取県鳥取市永楽温泉町152

營業時間： 星期一至五08:00-20:00 星期六、日、假期 07:30-20:00

網址：http://www.sunaba.coffee

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel