【甜品】馬鞍山甜匠甜品店：街坊中的精緻甜品店－「立」即去旅行 Lap's Travel

經過前陣子常常被媒體標籤為「美食沙漠」的馬鞍山，已漸漸多了一些沙漠中的綠洲，今次要介紹的其中一間清泉，就是主打精緻甜品的甜匠了，佢亦係區內數一數二好吃又有水準的甜品店。先講一下佢既地理位置，雖然地址係在新港城中心，但如果係搭火車或是巴士來的話，要大約行7-10分鐘，因為佢並唔係處於主要的成棟購物商場內，反而佢係一間地舖，位置較隱蔽，但因為佢旁邊有間譚仔三哥米線，如果問人的話，應該會比較好搵。成間店唔算大，大約8個座位+4/5個吧枱位，走簡約裝修路線，感覺舒適又唔會坐得太迫，和區內其他甜品店風格略為不同（通常也坐得超迫）。

選擇方面也不少，由近期人氣的芋圓地瓜圓、店內主打的比利時窩夫、雪糕杯、鐵板甜品、心太軟和傳統糖水也一應俱全，而平時更會有下午茶餐供應，任選一款窩夫加花茶，不過花香茶就只是茶包，這點就扣了一點分，如果係用返真乾花就比較好。甜品價位由2/3x到5x都有，同區比較來說就貴了一點，但精緻程度絕對冠絕同區。

賣相唔錯，至於味道亦都非常唔錯，絕對可以媲美鬧市的平品舖！首先介紹芋圓地瓜圓系列，總共有三款，劃一$38，糖水底分别有蕃薯糖水、涼粉底和冰糖桂花雪梨，先說作為核心部分的芋圓和地瓜圓，口感QQ很有咬口，而且食落無論係芋頭抑或是蕃薯味都非常之突出！我也試過深水埗很出名的康x涼茶和太子的海x合桃x甜品，兩者我個人覺得芋圓和地瓜圓味道偏淡，好容易被糖水蓋左陣味，變相只係似咬緊舊粉團；但甜匠吃到的就沒有這個問題，整得比兩者出色～至於糖水底方面，蕃薯於我來說偏辣左，所以我就唔係好食到、涼粉都算幾滑，同埋佢係切一片片而唔係一粒粒，口感上和平時切一粒粒不同會薄左，但就唔使每樣野都係一粒粒，多左啲層次，略嫌佢畀糖水份量偏少，每次吃到底都冇哂糖水變乾撈黎食、桂花雪梨就清甜一點，意想不到和芋圓、地瓜圓也很夾，但個人還是偏向涼粉比較像台灣吃到的感覺～

然後就到店內主打比利時窩夫啦，佢同平時出面食到既窩夫好唔同，佢冇乜蛋香，但就有一陣好濃的小麥香，而且食落去係煙煙韌韌咁，係好好食的，同區也有一間可以食窩夫的叫屋子生活也很好吃的，但就似平時吃到的感覺，這間就比較特別一點一。基本上我來親甜匠70%都會叫窩夫的，有抹茶雪糕窩夫，配料有紅豆和白玉，抹茶味就唔夠出面專門食抹茶甜品的，但勝在有時候想吃抹茶時可止下癮；焦糖香蕉海鹽窩夫就偏甜一點，始終用上焦糖，不過又會有返鹽的鹹味平衡返，加上焦糖煎的香蕉很好吃，也是我常叫之選；至於雜梅我就覺得比較酸，唔適合我；而芒果雪糕窩夫反而有驚喜，因為本身兩塊窩夫食完會滯一點的，但芒果酸酸甜甜剛好中和返窩夫的飽肚感，和窩夫超夾；如果熱愛朱古力的更一定會愛上朱古力雪糕窩夫，可以食到唔同口感既朱古力，而且唔會話太甜，我平時不太好朱古力的也頗喜歡這窩夫。題外話，開頭剛開店時聽老闆說所有雪糕是自家製造的，唔知現在還有冇變呢～