【觀光】京都東福寺：京都賞秋葉的熱門景點－「立」即去旅行 Lap's Travel

東福寺是欣賞京都秋葉最熱門的景點之一，如果在踏正秋葉全開的時候來到，這裡基本上都會多人到水泄不通。不過，我今次是初秋不久，很多地方的樹還在逐漸由綠轉紅，雖然見不到整片紅葉的壯麗景色，但人流相對地少好多，可以慢慢地休閒散步於寧靜的氣氛之中，欣賞古色古香的寺廟和環境，還有那少少的秋葉，又有另一番的感受。東福寺比較接近JR京都站，搭JR奈良線或京阪電鐵可以在「東福寺站」下車，又或者像我一樣搭市區巴士202、207、208號在「東福寺站」下車，兩者同樣需要從入口步行約10分鐘到東福寺。

東福寺一直是最大且最重要的京都禪宗寺院，也有許多著名高僧出身於此，曾幾經火劫而焚毀，直至 1934 年才完全修復。至於點解會咁受當地人和遊客歡迎來賞秋葉，就係因為佢裡面既通天橋啦！要入去通天橋要付400日圓先可以通過，但絕對值得付錢入去！因為通天橋兩邊係種滿楓樹，雖然今次來只有很細部份已經變成紅葉，但只要想像一下如果全部也轉紅的話，視覺效果應該會好壯觀，即使現在是一大片叢林，但能夠居高臨下觀看和欣賞，都令人覺得好心曠神怡。

除咗係通天橋欣賞秋葉外，這裡也以許多優美的庭園景觀聞名，沿着通天橋一直走入去，會去到開山堂，這邊以青苔和石頭搭配造景，一個個圓碌碌既青苔再配上石庭的景緻，帶點抽象之餘亦令人感覺身心舒暢得以放鬆，還見到有當地人在這裏寫生呢！

之後離開山堂，可以穿過愛染堂，然後順着路一邊看秋葉一邊行返去通天橋的入口，結束這邊的參觀。其實這裡本身還有一個方丈庭園可以參觀（需要另外付400日圓入場費），但因為我已經在通天橋一帶用了很多時間，所以今次就冇去。臨走前，係本堂位置舉行緊一個小型市集，有陶藝、蔬果、手工藝、日本酒，略略行一行之後就沿路返出去搭巴士走。