【遊記】Day 8 多Joy多難「鳥取 + 關西」秋季之旅 2017－「立」即去旅行 Lap's Travel

第8天（星期一，30/10）

行程：大阪 Shopping + 木津卸売市場》關西機場》香港

來到今次旅行最後的一日，行程相對地會輕鬆一點，主要都係以購物為主，由於今晚係紅眼凌晨機，所以今日都係有全日可以玩。瞓到自然醒之後，就喺酒店check out，然後將行李暫時寄存於酒店reception，再輕輕鬆鬆出發～今日嘅天氣雖然未至於陽光普照，但起碼冇好似尋日咁橫風橫雨，慢慢行過去搭地鐵去到天王寺落車，然後就去搵Mio Mall，順着條電梯上去就會去到今日食早餐嘅地方。

早餐既地方係J·S. Pancake Cafe（按名食評），呢間餐廳最出名嘅當然就係pancake啦，pancake有鹹有甜，除咗pancake之外，佢都有提供唔少鹹食，選擇都算幾多種類，而且味道仲非常唔錯，令這個朝頭早非常滿足。食飽左之後時間仲早，所以好多商舖都未開，只係係咁意逛左個圈～見到套和服好靚好現代，議題只做主題，價錢都唔平，唔知會唔會有人買呢？

然後再去搭地鐵，今次係大國町站落車，因為要去最近廣受香港人歡迎的木津卸売市場（按名介紹）買生果返香港，這個市場聽聞仲會提供水果比黑門市場和百貨公司，所以在這裏可以用批發價買到平靚正生果，可惜款式唔係好多，店舖亦唔係很多，所以逗留左一陣間之後就走了。

由於啲生果實在太重，所以決定返咗去酒店放低左先，然後再出發去行。第一站去咗難波附近的Loft睇，因為有嘢想買，但結果唔合心水，所以就轉移陣地。第二站去咗黑門市場，都係買下手信，食下生果和海鮮，不過真係好多遊客！

一直沿着千日前行返去心斎橋和道頓堀一帶，中途見到間叫博多からあげ鳥五郎（按名食評）炸雞店，食咗幾舊肉汁豐富外脆內軟的炸雞，推薦給大家！然後就行返去美國村睇衫買衫，睇下啲 vintage野，見到ministop，記得之前facebook見到介紹過有杯期間限定的焦糖布甸雪糕，就即刻買來試！味道好濃郁，布甸好軟滑，好重蛋味和奶味，好好食有好邪惡！

再過返心斎橋行街，食左Luke’s Lobster（按名食評）嘅龍蝦包和蟹肉包，再過埋tokyu hands行，出到黎都已經黃昏了，就準備返酒店。

係未攞行李之前，喺酒店對面嘅Red Rock（按名食評）今次旅行係日本的最後晚餐，這間餐廳專吃牛肉丼，咪睇佢買相好似血淋淋咁，其實味道相當唔錯！食飽左之後，今次就真係要返酒店拎行李，然後拖住個行李慢慢就去南海電鐵站出發去機場。

轉眼間來到機場，喺機場行左陣免稅店，然後就又要check-in又要過境搞咗一輪，估唔到嘅係，班飛機又要delay……..去程又delay回程delay，真係黑仔！由於當時已經晏，好多鋪頭都開始收，免稅店行又行左一輪，買又買咗一輪，唯有喺閘口附近慢慢等，估唔到呢度有Pokemon嘅兒童小天地，一家大細如果早左來，可以比小朋友喺度玩。最後終於係12點上飛機，食埋個飛機餐睇吓電影，就係凌晨三點返到香港了。