【遊記】Day 6 多Joy多難「鳥取 + 關西」秋季之旅 2017－「立」即去旅行 Lap's Travel

第6天（星期六，28/10）

行程：大阪》（原定會先去京都南禪寺）京都東福寺》大阪

自從去完鳥取之後，因為日日係鳥取都會早起身加上舟車勞頓，返到大阪之後又去了環球影城玩足全日，所以整個人也非常疲累，原本決定今日去一早去左京都的南禪寺先，但最後決定給自己瞓到自然醒，瞓醒之後較原先的時間晏，所以決定唔去南禪寺（會照去京都），留返下一次來到京都先去。雖然話就話瞓到自然醒，但其實也是早上九點多出門口，然後出發搭地鐵去到梅田，再轉去搭阪急電鐵去京都（今日會開通之前在Klook買的阪急全線兩日券），沿着下便的圖就會找到點樣行過去。

從梅田搭到去總站河原町大約需要35分鐘左右，可惜今日天氣唔太好，一出車站就已經落雨，反正也決定了買京都巴士一日券，所以無謂靠自己用隻腳行過去，決定搭巴士直接去到八坂神社到落（搭左都冇5分鐘），然後行過去京洋菓子司jouvencelle（按名食評），試佢哋最出名嘅抹茶朱古力鍋，呢款甜品仲出名到上個電視嫁，除咗賣相精緻，味道仲一流添，望住古色古香的京都街景歎甜品，真係寫意又休閒～

食飽之後，隔離就係八坂神社，就順便入去睇吓，可能今日係好日所以好多人結婚，唯一可惜嘅係天公不造美～然後喺神社前直接搭巴士202/207號去東福寺（按名介紹）參觀。因為未正式踏入秋葉全開的時期，所以人流並非很多，不過也很好彩見到少少紅葉，而且人流唔多，影出來的相唔會有太多人攝鏡～氣氛清幽寧靜，行得好舒服，行下影下就過左個幾鐘，就決定搭巴士走，諗住搭番去京都站，巴士就上啱，但忘記了留意落車，結果過咗站，要轉折一輪先返到去京都站。

來到京都站最主要的目的就是因為團友要去伊藤久右衛門買抹茶野做手信！店舖就在京都站巴士站對出，雖然鋪頭細細，唔夠宇治總店的大，但勝在五臟俱全，仲見到有些之前在宇治總店沒有的！買完手信又搞埋退稅，就返去京都站搵食，但就唔太啱心水，反正之後都要返去河原町一帶搭車返大阪，所以就搭巴士去四条～意想唔到嘅係這個月份的京都超塞車，結果比預期中搭左好耐巴士（差唔多搭左一個鐘）先落車，一落車就即刻沖去食嘢，去左一間叫松葉（按名食評）的蕎麥麵老店，這一間是北店，還有一間總店在附近，食下野順便休息下。