「立」即去旅行 Lap's Travel

水果甜品名店果実園リーベル最近又因為被VS嵐係電視節目中推介（嵐的大挑戰）而再次爆紅，每一款店家提供的水果甜點都充滿著令人唾涎欲滴的視覺效果。果実園本身有50年水果批發的經驗，很容易就會接觸到高品質的水果，利用這種優勢變成了一間超人氣的當紅甜品店。

今次光顧了位於新宿的分店，座位超多起碼過百個但也差不多全餐廳滿座，而且門口處亦有販賣生果的雪櫃，保證生果的溫度得以保持係最佳狀態，有興趣的可以買回去慢慢享受。

下午茶時段來的話，還可以試一下限時90分鐘，每位3000日圓的水果放題，滿足喜歡日本水果的生果迷。除了水果甜品外，餐廳亦有提供一些鹹食，不好甜食的來到也不怕。

望住個蛋糕櫃爭扎左好耐，每一款蛋糕賣相都好吸引，唔知點揀好。

今次點了士多啤梨蛋糕和哈蜜瓜芭菲，成個蛋糕佈滿一粒粒紅潤有光澤的士多啤梨，未咬落去都覺得一咬下去會成口士多啤梨汁，而芭菲外型仲誇張，將啲哈蜜瓜皮雕花一樣。視覺上攞哂滿分，至於味道方面，士多啤梨多汁但略嫌不夠甜，帶少少微酸，忌廉味道不算很重奶脂香味同埋不算很滑，蛋糕也未至於很鬆軟，整體上主要是為了突出水果的味道，可惜今次士多啤梨未夠好，換轉吃香印提子蛋糕的話應該會好好多。

哈蜜瓜芭菲就好吃很多，哈蜜瓜很鮮甜多汁，中間還夾雜著雲尼拿雪糕和哈蜜瓜雪糕，水果配雪糕吃真是一流，兩者果汁和奶香的交織變成了水果奶昔般，又香又滑，而且一杯份量很多，絕對不欺場。

整體質素屬於中上，有機會再來的話，一定要試埋其他水果的甜品配搭，不知道會有什麼新驚喜呢~

推薦指數：★★★☆

抵吃指數：★★★

地址：東京都渋谷区代々木 2-7-7 南新宿277ビル B1Ｆ

營業時間：星期一至六 07:30-23:00 (L.O 22:30) 星期日07:30-22:00 (L.O 21:30)

網址：http://kajitsuen.jp/  (詳情請參閱網站😃)

「立」即去旅遊Youtube channel、Facebook專頁、Instagram、Pixnet：

Youtube Channel：https://bit.ly/2scNVfk 

FB： https://www.facebook.com/lapstravel/

IG：lapstravel