【遊記】Day3「東京」補完計劃秋季之旅 2018－「立」即去旅行 Lap's Travel

第3天（星期六，20/10）

行程：上野酒店》高田馬場》池袋》川越（川越祭）》池袋》上野酒店

今日既行程都係比較輕鬆悠閒，一大早就先出發去高田馬場，高田馬場並唔係什麼遊客區，只要係聚集了很多大學、專門學校的一區，係街上時不時都會見到很多連群結隊的學生，有特色的景點在這邊也沒有，但咁早來到的目的就是為了一間食店，而這間食店就是全東京第一炸豬扒、全日本第一炸豬扒、Tabelog 4.13超高分炸豬扒的成蔵啦！（按名食評）

大約排隊排了一個小時左右先入得去，叫左雪室熟成豚、煌麥豚套餐，另外散叫了一件Tokyo X豚試下。先講雪室熟成豚，上枱時會見到豬扒的顏色有點像未熟透，但這顏色是證明豬扒的品質很高。食落炸衣不油膩而且好脆口好薄，咬下去滲透出來的豬扒肉汁很濃郁，口感很軟腍而且肉味很濃，由於脂肪比例高一點，吃下去會比較油一點；至於煌麥豚，脂肪比例低一點，食落口感比較起來會較實淨和冇咁油膩，肉質吃起來很細緻而味道比起雪室更濃一點；Tokyo X豚被稱為「幻之豚肉」，肉質就是偏向瘦一點，但肉味很濃很多汁，而且肉質纖維好細膩，食落好軟腍又不會太油，是個人三種中最喜愛的。

食飽飽之後就出發去池袋，因為準備要轉車去川越參與祭典，不過係過去之前係池袋食少少飯後甜品先，試左dou（按名食評）的新派銅鑼燒，點左原味和抹茶味，賣相就好像不錯，不過食落既驚喜感就欠奉，口感似蛋糕，但嗰皮有點乾，而麻糬食落係偏軟身，不是煙煙韌韌那種，紅豆餡唔會過甜，最好的是奶油，全靠奶油救返成舊銅鑼燒；至於抹茶味，整體上好過原味一點，抹茶奶油食得出抹茶的甘和香而不會苦澀。不過，即使抹茶味是好一點，兩件銅鑼燒個人覺得沒有什麼亮點。

然去左Godiva試期間限定的極濃宇治抹茶沙冰，味道甜左少少但抹茶味好濃，不過每次飲沙冰都好容易飲到最後冇乜味，得返啲冰。返到東武車站，買來回川越和池袋的優惠pass，車程大約30分鐘，只需要700日圓，很化算。

來到川越已經感受到很濃烈的川越祭（按名介紹）氣氛。一出閘口就已經開始人山人海，基本上也沒有什麼特定路線要怎樣走，大概就是向著藏造建築街的方向去行。本身沿途路旁都已經有各式各樣的攤檔，但最多攤檔集中的是本川越站一帶（因為要到藏造街要穿過本川越站），這些攤檔有售賣朱古力香蕉、燒魚、棉花糖、炒麵、面具等等，可以邊行邊買邊吃邊看，好快就會去到藏造街一帶。

而最主要係睇彩車遊行活動，彩車與彩車之間緊貼著相擦而過之時，那種大規模的場面，令人感到震撼。可惜的是，明明剛開始時是陽光普照很熱的，傍晚卻突然天色驟變還下起大雨來，彩車也要蓋上雨衣了，唯有提早離開，走嗰陣大雨到個個人都走到好狼狽，個個人迫哂係車站到，人多到想走都走都唔到，所以都等左一段時間，等雨細返先行到。

返到池袋之後，雨仲係落緊，原本打算今日去六本木睇夜景，但落雨落到咁唯有改第二日先再去，呢個時候最好既就係shopping時間啦！買手信又買下藥妝咁！呢款叫Audrey既手信呢期好hit，見到有得買記得買返兩盒呀，成日好快被人掃哂！行到咁上下，又食下啲好fresh好light既沙律先，順便買定啲屁股型提子今晚返酒店慢慢食。

行街行到攰又到晚餐時間要醫肚啦，直接係百貨公司美食層搵食，來到呢間ひつまぶし備長（按名食評）食返個「鰻魚飯三食」先！這裡的鰻魚飯是強調即叫即烤，啲鰻魚烤得表面焦脆，賣相吸引。另外亦點左鰻魚蛋卷和名古屋炸雞翼，鰻魚蛋卷份量十足而cp值高，蛋味濃郁，口感厚實但鬆軟，中間混合著碎鰻魚肉而不帶細骨，加上濃濃的鰻魚醬汁，想起來就已經流哂口水；炸雞翼就炸得外脆內嫩，略嫌調味不夠。

至於「鰻魚飯三食」，第一食原味吃，鰻魚吃落焦脆不乾身不帶細骨，而且口感很柔軟亦帶炭燒香味；米飯粒粒精凝飽滿很有飯香，醬汁濃郁微甜又不會過鹹；第二食是加配料，有蔥花、紫菜同芥末，食起來口感多了一分清爽，亦中和了鰻魚飯的油膩感；第三食是加湯變茶泡飯，加湯後飯變得濕潤，而鰻魚的燒烤炭香味亦融合了湯之中，吃下去很溫醇，超好吃，是個人最愛的吃法。