【遊記】Day 2「關西」春日之旅 2017－「立」即去旅行 Lap's Travel

第2天（星期三，10/5）

行程：難波 + 心齋橋 Shopping Day

是日其實冇咩特別景點要去，因為主要留係難波和心齋橋一帶行街消費。經過昨晚大雨的洗禮，今日反而陽光普照，9點幾出門口，第一站要去既就係酒店附近既黑門市場啦。四圍行下睇下，發覺這裡比起三年前污穢了少少又遊客多過以前，所以物價也被之前貴左，最後都係揀左係黑門三平到食早餐，貪佢座位多易搵位，然後就揀左個刺身拼盤（3300日圓，2xx港幣）和一隻原殼海膽，畀完錢會有職員拎入廚房開殼。海膽吃下去也頗新鮮的，不論是原殼的還是一板上的也不錯，魚的刺身就比較一般有一點腥和韌，整盤吃完也有點滯，所以就行一陣消化下。

FBPA8211

然後去左心齋橋一帶行街，睇下藥妝店，到差不多時間就去網元別館（按名食評）食午餐，氣氛很佳，是一個不錯的選擇。食完再到旁邊的wego vintage店逛了一遍，主要係賣二手衫的。因為連埋上午的戰利品，買的東西很多而且很重，所以就先返附近的酒店放低野再行，當然一邊返去一邊又係繼續買買買。

CQFJ7787

放低戰利品後，就繼續沿心齋橋一路殺上去，中途係大丸百貨個位買定1日大阪周遊卡（因為之前太夜冇係機場買定），順便飲下野。行到攰就去幸せのパンケーキ（按名食評）下午茶，超級推薦，又軟熟又輕盈，怎樣也要找間分店試一下。

食飽都係行街、夾下公仔，原本想吃的兩間大阪燒店都因為太多人，所以轉移去左大阪新世界元祖串かつだるま（按名食評），份量超多又有點油膩，試一下就足夠了。最後行埋驚安之殿堂和在便利店買個甜品就返酒店瞓了，行了超耐所以腳有點攰，而且要執定手提行李第二天去京都留宿一晚，而行李就會拎去京都回來後的那間Apartment到。